Ūlystyŋ ūly küni biyl qazaq jerinde bes kün boiy toilandy.
Birikken Ūlttar Ūiymynyŋ Bas assambleiasy ūltymyzdyŋ töl merekesin Halyqaralyq mereke esebinde moiyndaǧany belgili. Osyǧan säikes älem boiynşa Nauryz meiramyn şamamen 300 milliondai adam atap ötti degen de mälimet bar.
Qazaq jūrtynyŋ bas qalasy – Astana alaŋdarynda ūiymdastyrylǧan merekelik şaralarǧa şamamen 50 myŋdai adam qatysty.
Qala tūrǧyndary men qonaqtarynyŋ qauipsizdigin qamtamasyz etu maqsatymen būl küni qoǧamdyq tärtipti qadaǧalau şaralary küşeitildi.
Ūzyn sany 2 myŋnan astam tärtip saqşylary küni boiy küşeitilgen rejimde jūmys jasady.
Qalalyq Tötenşe jaǧdailar basqarmasyna qarasty 51 adam men 8 tehnika merekelik şaralar legi ötip jatqan negizgi tört nysanǧa qadaǧalau jürgizdi.
Atap aitqanda, Saryarqa, Almaty, Esil audandaryna qarasty üş alaŋda üş ört söndiru maşinasy, jedel qūtqaru tobynyŋ 22 mamany, al Memleket, Ükimet basşylary qatysqan «Qazaq eli» monumenti alaŋyn-daǧy merekelik şara kezinde Tötenşe jaǧdailar basqarmasynyŋ 29 qyzmetkeri, 3 ört söndiru maşinasy, 1 apatty jaǧdailardan qūtqaru köligi, 1 apattyq medisina ortalyǧynyŋ maşinasy qyzmet körsetti.
«Qazaq eli» monumenti, «Hanşatyr», Ortalyq alaŋ maŋynda Jedel medisinalyq järdem mekemesiniŋ 7 brigadasy jūmyla jūmys jasady.
Al, qala boiynşa merekelik şaralar ötip jatqan 15 nysanǧa 24 brigada qyzmet körsetti.
21-25 nauryz aralyǧynda Jedel medisinalyq järdem qyzmetine jalpy sany 6240 habarlama kelip tüsipti.
Merekelik şaralardyŋ negizgi nüktesi «Qazaq eli» monumenti alaŋynda 400 adamnyŋ qatysuymen teatrlandyrylǧan qoiylym körsetildi. Alaŋ auqymynda 30 kiiz üi tigildi.
Sondai-aq, Astana qalasy äkimdiginiŋ aldyndaǧy alaŋda – 10, Otan qorǧauşylar alaŋynda – 23, «Han şatyr» maŋyndaǧy Ǧaşyqtar saia-baǧynan Bäiterek keşenine deiingi aralyqta – 12 kiiz üi boi köterdi.
Däl osy küni resmi mälimetter boiynşa 12 myŋ kese nauryz köje, 12 myŋ tabaq palau, 24 myŋ oram bauyrsaq halyqqa tegin taratylǧan.
Almatydan arnaiy kelgen Roza Rymbaeva, «Jigitter» kvarteti, Tamara Asar, «Ürker» toby, Mädina Saduaqasova, astanalyq «Bäiterek» toby, Qaraqat Äbildina sekildi öner jūldyzdary halyq aldynda än şyrqady.
Türiktiŋ «TRT» telearnasy 8-şi märte ūiymdastyrǧan «Nauryznama» telejobasyna Qazaqstan ūlttyq telearnasy besinşi ret qatysty.Telearna üş ret efirge qosylyp, qazaqtyŋ salt-dästürlerin nasihattady.
Astananyŋ beibit aspanyna 10 myŋ şar ūşyryldy.
Nauryz merekesine qatysty eŋ qyzyq mälimetterdiŋ biri – Qazaqstan halqy däl 22 nauryz küni Kcell, Activ ūialy bailanystary arqyly 124,6 mln qoŋyrau şalypty. Ärine, qoŋyraudyŋ köpşiligi Ūlyq merekemen birin-biri qūttyqtau maqsatynda soǧylǧany aitpasa da tüsinikti.
Şynar DOSAN
