Qazaqstan iadrolyq qaruǧa qarsy qozǧalystyŋ qaşanda aldyŋǧy qatarynan körinip keledi.
Qyryp-joiatyn qarulardy taratpau jöninde talai ret jahandyq bastamalardy köterdi.
Keşe bastalǧan Iаdrolyq qauipsizdik jönindegi Seul sammitinde de Qazaqstannyŋ iadrolyq qarusyzdanu isindegi jetekşi röli taǧy bir qyrynan tanyldy.
Seul saparynyŋ alǧaşqy künderinde Memleket basşysy Nūrsūltan Nazarbaev Koreia Respublikasynyŋ Prezidenti Li Mion Bakpen kezdesip, birqatar kelissözder jürgizdi.
Sammit jūmysynyŋ aiasynda QR basşysy Nūrsūltan Nazarbaev pen AQŞ Prezidenti Barak Obamanyŋ da ekijaqty kezdesui ötti.
Kezdesu barysynda taraptar keŋ kölemdegi mäselelerdi talqylady. Iаdrolyq qauipsizdik, iadrolyq qarudy taratpau jäne qarusyzdanu jöninde pikir almasty.
Barak Obama elimizdiŋ iadrolyq saladaǧy fizikalyq jäne tehnikalyq qauipsizdikti nyǧaitu salasyndaǧy halyqaralyq yntymaqtastyqty damytudaǧy küş-jigerin joǧary baǧalady.
Qazaqstannyŋ öz aumaǧynda az baiytylǧan urannyŋ halyqaralyq bankin ornalastyruǧa daiyndyǧyna oŋ baǧasyn berdi.
Öz eliniŋ Qazaqstannyŋ DSŪ-ǧa kiruin tolyq qoldaitynyn atap ötti.
Qazaqstan basşysy öz kezeginde: «Men AQŞ-tyŋ barlyq ūlt pen halyqty iadrosyz älem üşin küresuge şaqyruyn tolyq qoldaimyn. Iаdrolyq memleketter men iadrolyq qaruǧa ūmtylyp otyrǧan memleketterdiŋ barlyǧyn Qazaqstannan ülgi aluǧa jäne ornyqty damu üşin biregei ekonomikalyq mümkindikterge ie boluǧa şaqyramyn», – dedi.
Kezdesu soŋynda AQŞ basşysyn Älemdik jäne dästürli dinder köşbas-şylarynyŋ törtinşi sezine şaqyrdy. Alda ötetin prezidenttik sailauda tabys tilei otyryp, dästürimizge sai «Sättiliktiŋ belgisi bolsyn» degen nietpen qazaqtyŋ boitūmaryn syiǧa tartty.
Barak Obamaǧa osydan eki jyl būryn Vaşingtonda ötken alǧaşqy sammitke şaqyrǧany üşin alǧysyn bildirdi.
Aita keteiik, 2010 jylǧy Vaşington sammitinde eluden astam el basşylary iadrolyq qarudyŋ qauipsizdigin birlesip küşeituge uaǧdalasyp tarasqan. Seul sammitiniŋ otyrysynda ötken eki jylda eŋserilgen şarualardyŋ esebi şyǧarylatyn bolady.
Iаdrolyq qauipsizdik jönindegi sammitte Qazaqstanda halyqaralyq iadrolyq otyn bankin qūru mäselesi talqylanady dep kütilude.
Däl osy küni Memleket basşysy Nūrsūltan Nazarbaev Türik Respublika-synyŋ Premer-Ministri Redjep Taiip Erdoǧanmen, MAGATE bas direktory Iýkiia Amanomen de kezdesti.
