Biyl Ūlystyŋ ūly künı jyldaǧydan özgeşeleu ötkızılmek. Būl turaly Astana qalasy Işkı saiasat basqarmasynyŋ basşysy Bolat Tılepov mälım ettı.
Biyl 70-ke juyq kiız üi tıgılıp, halqymyzdyŋ tarihy men qolönerınen syr şertetın türlı körmeler ötedı. Jyldaǧy igı dästürmen būl şaralarǧa öŋırler erekşe at salysuda. Mäselen, biyl Pavlodar, Soltüstık Qazaqstan, Atyrau, Aqmola, Jambyl jäne Almaty oblystarynan ūzyn sany 360-tan asa mädeniet jäne öner şeberlerı qatysatyn elordada 25 nauryzǧa deiın ūzyn sany 300-den astam merekelık ıs-şaralar josparlanǧan.
Basqarma basşysy olardy mazmūndyq tūrǧydan üş topqa bölıp qarastyrdy. Bırınşı – ruhani-ideologiialyq şaralar, olar ädette 21-22 nauryzda bolatyn basty merekelerge deiın ötedı. Olardyŋ jalpy sany 260-tan asyp otyr. Ekınşı – äleumettık şaralar. Atap aitatyn bolsaq, Nauryz merekesı aiasynda 16 äleumettık bastama bar. Onyŋ ışınde jaǧdaiy tömen otbasylarǧa, jalǧyzbasty zeinetkerlerge aqşalai materialdyq kömekten bölek, qarttar üiınde, mügedekter emhanasynda merekelık arnaiy dastarqan basynda türlı qoiylymdar körsetıledı, sonymen bırge sirkter men qalamyzdaǧy barlyq kinoteatrlarda jetım jäne ata-ana qamqorlyǧynsyz qalǧan balalarǧa tegın körsetılımder ūiymdastyrylady», – dedı basqarma basşysy.
Jalpy halyq üşın qalamyzdaǧy negızgı sauda oryndarynda, oiyn-sauyq ortalyqtarynda 10 paiyz jeŋıldıktermen qatar, keluşılerge de osy oryndardyŋ tarapynan tegın däm ūsynylmaq. Arnaiy merekelık baǧdarlamalar qalanyŋ ortalyǧynda ǧana emes, sonymen qatar, şetkı auyldarda da ötetın bolady. Üşınşı – mädeni-şyǧarmaşylyq şaralar, olardyŋ denı merekelık demalys künderı qalamyzdyŋ barlyq aşyq jäne jabyq alaŋdarda ötetın bolady», – dedı ol.
Qymbat Nūrǧali
