Osy künderı Beibıtşılık jäne kelısım saraiynyŋ sahnasynda Ginnestıŋ rekordtar kıtabyna engen älemge äigılı «notre dame de Paris» miuzikliniŋ qazaq tilindegi nūsqasy jürıp jatyr. Premerasy apta basynda ötken būl tuyndyny körermender 24 jeltoqsanǧa deiın tamaşalai alady.
Klassik jazuşy Viktor Giugonyŋ «Parij ǧibadathanasynyŋ Äz anasy» şyǧarmasynyŋ negızınde qoiylǧan, şynaiy ǧaşyqtyq pen satqyndyq hikaiasyna qūrylǧan miuzikl osydan tura 20 jyl būryn Fransiia astanasynda alǧaş ret sahnaǧa jol tartty. Sodan berı älemnıŋ toǧyz tılıne audarylyp, qoiylǧan. Qazaq tılı būl qatardaǧy onynşy tıl bolyp otyr. Al Qazaqstan – osy miuzikldı qoiǧan Orta Aziiadaǧy alǧaşqy memleket.
Qazaqstan Respublikasy Mädeniet jäne sport ministrlıgınıŋ qoldauymen «Qazaqkonsert» memlekettık konserttık ūiymy jüzege asyrǧan būl joba Astananyŋ 20 jyldyǧyna arnalyp otyr. Qoiylymǧa atalmyş ūiymǧa qarasty «Astana Miuzikl» teatry ärtısterın, jeke änşılerdı, bişılerdı, akrobattardy qosqanda jalpy 70 adam tartyldy.
Qoiuşy rejisserı – Robert Marien. Tūpnūsqasynyŋ muzykasyn jazǧan kompozitor Rikkardo Kochchantenıŋ tuyndylary qazaq tılındegı nūsqasynda tolyq saqtalyp qaldy. Aiyrmaşylyǧy «Belle», «Danse mon esmeralda», «Le Temps des Cathedrales» sekıldı 50-ge juyq än qazaq tılınde şyrqalady. Librettony qazaq tılıne aqyn Serıkzat Düisenǧazy audardy.
Bır aita keterlıgı, miuzikldıŋ bai dekorasiiasy öte tartymdy jasaldy. Önerpazdar da bar önerlerın salǧany baiqaldy. Al keiıpkerlerdı somdaityn ärtıster ädettegıdei ekı qūramda jasaqtaldy. Atap aitsaq, Esmeralda – Jarqynai Şalqarova men Roza Mūqataeva, Kvazimodo – Qairat Sarybaev pen Ädıl Sūltan, Frollo – Erbol Narimanūly men Aidar Aqypbaev, Grenguar – Armat Amandyqov pen Orazaly İgılık, Fler de Lis – Taŋşolpan Nūrtıleuqyzy men Zarina Jäkenova, Febius – Didar Abduhalyqov pen Nūrpeiıs Abduraev jäne Klopen – Rasul Usmanov pen Ūlan Qabyl.
Librettony audarǧan Serıkzat Düisenǧazynyŋ aituynşa, ol mätındı qazaq mentalitetıne sai etıp audarǧan. Mäselen, tıkelei audaratyn bolsa, Qūdai ana bolyp ketetın sözdı ūltymyzdyŋ tanym-tüsınıgıne jaqyndatyp, Äz ana etıp alǧan.
Alaida miuzikldı ūstap tūratyn mätın desek, şyǧarmadaǧy qazaq tılınde şyrqalǧan änderdıŋ bızge äserı bolmady. Osydan bırneşe jyl būryn belgılı aqyn İsrail Saparbai orys tılınde şyrqalyp jürgen «Belle» änın «Esmeralda» etıp qazaqşalady. Ony «Denar» toby şyrqady da. Serıkzat audarǧan osy änge qaraǧanda İsraildyŋ «Esmeraldasy» äserlırek bolyp körındı. Bälkım, keiıngı ändı sol qalpy ala salu kerek pe edı degen oi keldı.
Tüiındep aitqanda, osy künge deiın «Notre dame de Paris» miuziklın älemdegı 11 million halyq tamaşalasa, olardyŋ qataryna qosylǧan qazaq körermenderı de ökınbeidı dep oilaimyz.
