Tūŋǧyş Prezident künı qarsaŋynda elordada Nur Otan partiiasyna ärtürlı qyzmet salalaryndaǧy belsendı azamattardy saltanatty qabyldau şarasy öttı. Partiianyŋ baspasöz qyzmetınıŋ mälımetınşe, partiia qataryna barlyǧy 1,5 myŋǧa juyq azamat qosyldy.
Partiianyŋ jaŋa müşelerıne Töraǧanyŋ bırınşı orynbasary Bauyrjan Baibek partiia biletterın tabystady. Onyŋ aituynşa, elımızdıŋ Tūŋǧyş Prezidentı Nūrsūltan Nazarbaevtyŋ jäne halyqtyŋ erekşe qoldauynyŋ arqasynda Nur Otan partiiasy bügıngı taŋda uaqyt talabyna säikes maŋyzdy reformalar jürgızıp otyrǧan elımızdıŋ jetekşı saiasi küşıne ainalǧan. Nur Otan partiiasy ärqaşan negızgı üş qaǧidany basşylyqqa alady jäne ony berık ūstanady. Būl – jauapkerşılık, bırlık jäne ortaq maqsatqa degen adaldyq. Bız aldaǧy sailau nauqanyna tyŋǧylyqty daiyndaldyq. Är öŋır, qala jäne audandaǧy äleumettık-ekonomikalyq ahualdy taldau negızınde sailaualdy baǧdarlamalardyŋ 216 jobasy äzırlendı. Memleket basşysy Qasym-Jomart Toqaevtyŋ «Halyq ünıne qūlaq asatyn memleket» tūjyrymdamasyn ıske asyra otyryp, praimeriz barysynda halyqtan 20 myŋǧa juyq talap-tılek jinaldy. Olardyŋ basym bölıgı partiianyŋ aldaǧy besjyldyq «Özgerıster joly: är azamatqa laiyqty ömır!» sailaualdy baǧdarlamasyna engızıldı. Alǧa qoiǧan maqsattar men mındetterdı sapaly jüzege asyru partiianyŋ ärbır müşesıne bailanysty» dep atap öttı Bauyrjan Baibek.