Nūr-Sūltan qalasynyŋ 2050 jylǧa deiıngı damu strategiiasyna säikes osy merzımde elorda jahandyq qalaǧa ainaluy tiıs. Boljamdarǧa sai 2050 jyly Qazaqstandaǧy halyq sany 25,4 mln adamǧa jetse, bas qalada sol uaqytta 2,5 mln adam tūratyn bolady.
Şahar äkımdıgı damu strategiiasyn äzırleuge Zertteu jäne konsalting ortalyǧyn tartty. Keşe osy ortalyq mamandary «Nūr-Sūltan tūrǧyndary: 2050 jylǧa deiıngı demografiialyq trendter» atty döŋgelek üstel mäjılısınde aldaǧy otyz jyl kölemınde elorda halqynyŋ ösımı qalai jüretının tanystyrdy.
«Qalanyŋ damuynda demografiia basty oryndardyŋ bırın alady. Sebebı kez kelgen şahar sol qalada tūratyn adamdardyŋ sanyna qarai damidy. Qalany josparlau da tūrǧyndardyŋ köbeiuıne säikes jasalady. Bızdıŋ aldymyzǧa elordanyŋ demografiialyq modelın jasau mındetı qoiyldy. Mūny Monreal, Kalgari, Minneapolis, Berlin, Vena, Stokgolm, Helsinki, Budapeşt, Varşava syndy älem qalalaryndaǧy jaǧdaimen salystyra otyryp jasadyq» dedı Zertteu jäne konsalting ortalyǧynyŋ ärıptesı Änuar Boranbaev.
Jobaǧa ortalyq keŋesşısı Aleksandr Gruzenkin tolyǧyraq toqtaldy. Onyŋ aituynşa, 2050 jylǧa qarai Nūr-Sūltanda adamnyŋ ömır süru ūzaqtyǧy – erkekterde 80 jasqa deiın, äielderde 84 jasqa deiın ösedı. Qazır būl körsetkış säikesınşe 74 jäne 80 jas deŋgeiınde tūr.
Alaida otyz jylda bala tuu körsetkışı 2,5 esege tömendeidı. Keiıngı jyldary elordaǧa özge öŋırlerden öte köp adam köşıp keldı. Iаǧni ışkı migrasiia qatty jürdı. 2050 jyly ışkı köşı-qon saiabyrlasa da, syrtqy migrasiia artady.
Elordada balabaqşalar men mektepter qūrylysy jandanyp, jaqyn jyldary şaharda bılım nysandarynyŋ sany artatyny belgılı. Sarapşylardyŋ pıkırınşe de, aldaǧy 5-15 jylda bılım salasy köp investisiiany qajet etedı. Emhana men auruhanalar sanyn da köbeitu qajettıgı tuyndaidy. 2050 jyly halyq sanynyŋ artuyna bailanysty 1,6 myŋ şaqyrymnan asa jaŋa joldardy salu kerek bolady.
