Jeksenbı künı «Nūr-Sūltan Duatlon-2019» dästürlı aşyq qalalyq turnirıne keluşıler belsene qatysty.
«Bäiterek» monumentı alaŋynan bastalǧan būqaralyq jarysqa 500-ge juyq adam qatysty. Duatlon dodasyna qatysuşylar aldymen 2,5 şaqyrymǧa jügırdı. Odan keiın 20 şaqyrymdyq velojarys öttı. Jarys 5 şaqyrymǧa jügırumen tüiındeldı.
Duatlon jarysy elordanyŋ körıktı köşelerınde ötkendıkten, köptegen qala tūrǧyndary janküierler qatarynan tabylyp jatty.
Jalpy jarys 16-29, 30-39, 40-49 jäne 50 jastan joǧary qatysuşylar arasynda ūiymdastyryldy. Bırınşı jeŋımpaz 57 minuttan keiın anyqtaldy. Astanalyq şaŋǧyşy, halyqaralyq därejedegı sport şeberı Mark Starostin üzdık atandy.
Biylǧy duatlon Starostinder äuletı üşın jeŋıske toly boldy, äielder arasyndaǧy dodada Marktyŋ äpkesı – Daria Starostina absoliuttı chempion atandy. Boijetkennıŋ aituynşa, olar bala kezden sportpen şūǧyldanuǧa beiım eken.
«Äkem de, anam da – şaŋǧydan sport şeberlerı, jalpy, sport bızdıŋ qanymyzda bar desem bolady. Men ülken sporttan ketkenıme 15 jyl bolsa da, özım üşın sportpen şūǧyldanyp jüremın. Tuǧan qalamyzda dästürlı öte bastaǧan osy jarysqa qatysyp körgım keldı. Sättılık serık bolyp jeŋıske de jettım» dedı sport şeberı Daria Starostina köŋılı köterılıp.
Sonymen, biylǧy duatlon dodasynyŋ qorytyndysy boiynşa 16-29 jas aralyǧyndaǧy erler jarysynda Älımjan Baltabek, äielder arasynda Ekaterina Brynza chempion atandy.
30-39 jas aralyǧyndaǧy bäsekede Arman Ǧalymov pen Gülmira Amenova top jardy. 40-49 jas aralyǧyndaǧy jarysta Marat Farrahov pen Gülmira Tüienbaeva märe syzyǧyn bırınşı bolyp kestı. 50 jastan asqandar jarysynda Rinat Salikjanov pen Tatiana Mihaleva jeŋıske jettı.
Duatlonnyŋ jalǧasy velosiped jarysymen tüiındeldı. Mūnda da üzdıkter anyqtalyp, qossaiystyŋ qorytyndysy şyǧaryldy. Jeŋımpazdar men jüldegerlerge Nūr-Sūltan qalasynyŋ Mädeniet jäne sport basqarmasynan diplomdar, syilyqtar tabys etıldı.
