Nūr-Sūltan qalasyndaǧy memlekettık organdardyŋ, qalalyq mekemeler men käsıporyndardyŋ qyzmetkerlerı bır kündık jalaqysyn, iaǧni jalpy somasy 200 mln teŋgenı Arys qalasynyŋ zardap şekken tūrǧyndaryna audardy. Būl turaly elorda äkımı Altai Kölgınov Facebook paraqşasynda habarlady.
Memleket basşysynyŋ tapsyrmasymen Arys qalasynyŋ tūrǧyndaryna kömek körsetu jäne qalany qalpyna keltıru boiynşa jūmystar jürgızılıp jatyr. Nūr-Sūltan qalasy äkımınıŋ orynbasary Nūrlan Nürkenov qūrylys brigadasymen bırge Arys qalasyna barady. «Türkıstandyq ärıptesterımen bırge qiraǧan tūrǧyn üiler, basqa da infraqūrylym obektılerın qalpyna keltıruge kömektesetın bolady. Onda şatyrly lager ornatylyp, injener mamandary bırden ıske kırısedı» dedı äkım. Sonymen qatar, elordada Arys qalasynyŋ 500 balasy üşın jazǧy demalys ötkızudı qolǧa aldy. Olarǧa elordanyŋ körıktı jerlerı boiynşa ekskursiialar, konsert baǧdarlamalary ötkızıledı. Balalar üimen, qajettı zattarmen, kiımmen, mektepke qajet qūral-jabdyqtarmen qamtamasyz etıledı. «Halyqtyŋ bırlıgı osyndai qiyn sätterde tanylady. Elımızdıŋ ärbır azamaty Arys qalasynyŋ tūrǧyndaryna alaŋdauşylyq bıldırıp otyr. Öz kezegınde astanalyqtar zardap şekkenderge kömek körsetuden şet qalmaidy» dep jazady qala basşysy.
