Beibıtşılık jäne kelısım saraiynda «Qazaq aruy» sūlulyq baiqauynyŋ finaly öttı. Baiqauǧa elımızdıŋ eŋ ädemı degen 16 qyzy qatysty. Olar 600-den asa qyzdardyŋ ışınen ırıktelıp şyqqan has sūlular bolatyn.
«Qazaq aruy» baiqauy elımızde alty jyldan berı däl osy nauryz aiynda ötıp kele jatyr. Baiqaudyŋ şarty boiynşa ümıtkerler mındettı türde qazaq tılın bıluı kerek. Sondai-aq, qyzdar qazaqtyŋ ädebietı men tarihyn jäne de salt-dästürlerın jete bıluge mındettelgen. Osy talaptardan sürınbei ötken 16 qyz «Qazaq aruy» baiqauyna qatysuǧa mümkındık aldy.
Qazylar alqasynyŋ töraiymy QR Parlamentı Senatynyŋ deputaty Bırǧanym Äitımova bolsa, al onyŋ qūramyna jobanyŋ prodiuserı ärı ideia avtory Baian Esentaeva, telejurnalist Aigül Mükei, dizainer Aida Qaumenova kırdı. Sondai-aq, Astana qalasynyŋ Mädeniet basqarmasynyŋ basşysy Bolat Majaǧūlov, ärtıs Erık Joljaqsynov, telejürgızuşı Dinara Sätjan, aqyn Qalqaman Sarin, änşı Bürkıt jäne «Qazaq aruy-2016» baiqauynyŋ bas jüldegerı Almira Ahatova qazylyq ettı.
Qazylar alqasynyŋ şeşımı boiynşa batysqazaqstandyq Nūrgül Asanova jeŋımpaz atandy. Bırınşı oryndy qyzylordalyq Zuhra Saipi, ekınşı oryndy Aqtöbe oblysynyŋ tumasy Güljanat Jūmajanova iemdendı. Al üşınşı oryn qaraǧandylyq Äigerım Orynbekovaǧa būiyrdy.
