«Nūrly jürektegı» jyly jüzdesu
Elorda äkımı Altai Kölgınov «Nūrly jürek» äleumettık qyzmet körsetu ortalyǧynda bolyp, mekeme qyzmetkerlerımen jäne balalarmen kezdestı.«Nūrly jürekte» sal auruyna şaldyqqan, epilepsiia, hromosomiialyq aurulary men autizm diagnozy, Daun sindromy bar, ūştasqan söileu qabıletı būzylǧan, psihikalyq auytquy bar balalardy qoǧamǧa beiımdei otyryp, olardyŋ em-şara aluyna barlyq mümkındık jasalǧan. Syrqat deŋgeiıne qarai toptastyrylǧan ortalyqtyŋ üş korpusynda qazırgı taŋda 281 bala, onyŋ ışınde 155-ı – kündızgı bölımde, 126-sy stasionarda emdelude. Ortalyqta 300-den asa maman jūmys ısteidı.
– Sızder igı ärı kürdelı jūmys atqaryp, erekşe qajettılıkterı bar balalarǧa kömektesesızder. Sızderge alǧysymdy bıldıremın, eŋbekterıŋızdı baǧalaimyz. Köptegen balalar kömek pen oŋaltudy qajet etedı. Sondyqtan qosymşa korpus aşudy josparlap otyrmyz. Sondai-aq erekşe qajettılıkterı bar balalarǧa kömek körsetumen ainalysatyn äleumettık sala qyzmetkerlerıne arnalǧan jataqhana salu mäselesın qarastyramyz, – dedı Altai Kölgınov.
Äkım erekşe balalardyŋ önerın tamaşalap, mekeme qyzmetkerlerımen bırge estelık suretke tüsıp, syi-siiapatyn tabys ettı.
Qalada erekşe qajettılıkterı bar adamdardyŋ sany 26 myŋ bolsa, onyŋ 5,5 myŋy – balalar. Kelesı jyldan bastap QR Prezidentınıŋ tapsyrmasyna säikes osy salada eŋbek etıp jürgen äleumettık qyzmetkerlerınıŋ jalaqysy 30 paiyzdan bastap köterıletın bolady.