Astana qalasy äkımdıgınıŋ «Nūrly jürek» äleumettık qyzmet körsetu ortalyǧy 3-29 jas aralyǧyndaǧy balalar men jastarǧa stasionar jäne jartylai stasionar jaǧdaiynda qyzmet körsetedı.
Ortalyqtyŋ mındetı – erekşe qajettılıkterı bar balalar men jastardyŋ mümkındıkterın barynşa damytu, olardy oŋaltu, qorǧau jäne qoǧamǧa kırıktıru. Qazırgı uaqytta ortalyqta türlı arulary men densaulyqta auytquşylyqtary bar 279 adamǧa, sonyŋ ışınde 123-ıne stasionarda jäne 156-syna kündızgı bölımde em jürgızılude.
«Nūrly jürek» arnauly äleumettık qyzmetterdıŋ segız türın körsetedı. Būl – äleumettık-tūrmystyq, äleumettık-medisinalyq, äleumettık-psihologiialyq, äleumettık-eŋbek, äleumettık-mädeni, äleumettık-ekonomikalyq, äleumettık-qūqyqtyq jäne äleumettık-pedagogikalyq qyzmetter biudjettık negızde arnauly äleumettık qyzmet körsetu standarttaryna säikes, sondai-aq şart jasasumen aqyly negızde körsetıledı.
Mekemede äleumettık-pedagogikalyq qyzmet körsetu üşın pänaralyq komanda qūryldy. Mūnda bılıktı mamandar jūmys ısteidı. Ortalyq tiıstı qūral-jabdyqtarmen jabdyqtalǧan. Mūnda qyzyǧuşylyq boiynşa üiırmeler aşylǧan. Beiımdelgen dene şynyqtyru jäne sport boiynşa sabaqtar ūiymdastyryldy. Sonymen qatar, qyzmet aluşylar mädeni ıs-şaralarǧa qatysady, sirk pen teatrlarǧa barady.
