Qasym-Jomart Toqaev Resei Federasiiasynyŋ Prezidentı Vladimir Putinmen kezdestı.
Jūmys saparymen Mäskeuge barǧan Qazaqstan Prezidentı Qasym-Jomart Toqaev Resei Prezidentı Vladimir Putinmen kezdesu ötkızdı.
Kün tärtıbınde Auǧanstandaǧy jaǧdaiǧa qatysty öŋırlık qauıpsızdık, sondai-aq Qazaqstan men Resei arasyndaǧy yntymaqtastyq jäne integrasiialyq bailanystar aiasyndaǧy özara ıs-qimyl mäselelerı qaraldy.
Memleket basşysy Resei Prezidentıne Mäskeuge şaqyrǧany üşın alǧys bıldırdı.
– Şyn mänınde, bızdıŋ bailanystarymyz eşqaşan toqtaǧan joq. Pandemiia kezınde de onlain jüiesınde jäne telefon arqyly bailanysyp tūrdyq. Degenmen, jüz ret estıgennen bır ret körgen jaqsy, – dedı Qasym-Jomart Toqaev.
Qazaqstan Prezidentı ekı el arasyndaǧy barlyq baǧyttaǧy özara yntymaqtastyqqa joǧary baǧa berdı.
– Qazaqstan men Resei – odaqtas elder. Bız ünemı halyqaralyq kün tärtıbındegı özektı mäselelerdı, qauıpsızdıktı, äsırese ekıjaqty yntymaqtastyqty ünemı pysyqtap otyramyz. Elderımız arasyndaǧy qatynastarymyz strategiialyq ärıptestık baǧytynda damyp otyrǧany quantady, – dedı Memleket basşysy.
Vladimir Putin ekı el arasyndaǧy tyǧyz bailanystardy atap öttı.
– Bızdıŋ bailanystarymyz üzılgen joq. Qatynastarymyzdy tūraqty, öte joǧary deŋgeide jäne barlyq baǧyttar boiynşa jürgızıp kelemız. Būl – parlamentaralyq jäne ükımetaralyq bailanystar. Jaqynda ǧana bızdıŋ Ükımetımızdıŋ basşysy Qazaqstanda jūmys saparymen bolyp, auqymdy şarualar atqardy jäne barlyq kezdesuler boiynşa maǧan baiandap otyrdy. Pandemiiaǧa qaramastan bırınşı jarty jyldyqtaǧy tauar ainalymy 33 paiyzǧa artty. Halyqaralyq ūiymdarda, sonyŋ ışınde Şanhai yntymaqtastyq ūiymy, Euraziialyq ekonomikalyq odaq arqyly da bailanys ornattyq. Barlyq baǧyttar boiynşa ılgerıleuşılık bar. Odaqtastyq bailanystarymyz nyǧaiyp, jaŋa sapada tyŋ mümkındıkterge jol aşyluda, – dedı Resei Prezidentı.
Qasym-Jomart Toqaev ekıjaqty sauda-ekonomikalyq bailanystar men öŋıraralyq qatynastardy nyǧaitudy qoldady.
Resei Prezidentı öz kezegınde jahandyq jäne aimaqtyq qauıpsızdıktıŋ özektı mäselelerıne erekşe män berdı.
Qasym-Jomart Toqaev tuyndap otyrǧan syn-tegeurınderge bailanysty ekı el arasyndaǧy özara ıs-qimyldardyŋ maŋyzdy ekenın atap öttı.
