Qalalyq äkımdıkte Nūr-Sūltan qalasynyŋ qoǧamdyq damu ısterı basqarmasynyŋ ūiymdastyruymen ükımettık emes ūiymdar ökılderımen «Dialog alaŋy» öttı. Jiynda elordalyq ÜEŪ qyzmetın üilestıru boiynşa 2020 jylǧa arnalǧan memlekettık äleumettık tapsyrys jobalarynyŋ taqyryptary talqylandy. Kezdesuge Nūr-Sūltan qalasyndaǧy ükımettık emes ūiymdar ökılderı qatysty.
Nūr-Sūltan qalasy Qoǧamdyq damu ısterı basqarmasynyŋ basşysy Talǧat Rahmanberdı bügıngı taŋda 3159 ūiym tırkelgenın, elımızdegı neǧūrlym belsendı qyzmet etetın ÜEŪ Nūr-Sūltan qalasynda ornalasqanyn, olardyŋ jastar saiasaty men balalar bastamalaryn qoldau, qoǧamdyq kelısımdı nyǧaitu, genderlık saiasat, t.b. qyzmet baǧyttaryna säikes belsendı jūmys jasap jatqanyn aityp öttı.
«Qoǧamdyq damu ısterı basqarmasynyŋ negızgı maqsattarynyŋ bırı – ol qaladaǧy jürgızıletın äleumettık ıs-şaralarǧa bükıl qoǧamdyq ūiymdardy tartu bolyp tabylady. Azamattyq bastamalardy sızderdıŋ qoldap, kömek körsetulerıŋız – bızdıŋ jūmysymyzdyŋ bır baǧyty, bügın sol üşın jinalyp bas qosyp otyrmyz, maqsatymyz – ükımettık emes ūiymdar mındetınıŋ negızgı baǧyttaryn talqylap, alda jüzege asyrylatyn jūmystardy naqtylau» dep atap körsettı Nūr-Sūltan qalasy Qoǧamdyq damu ısterı basqarmasynyŋ basşysy Talǧat Rahmanberdı.
«Dialog alaŋynda» qalalyq azamattyq bastamalar ortalyǧynyŋ jetekşısı jäne «Kamed» qoǧamdyq qorynyŋ atqaruşy direktory Mahabbat Espenova söz alyp, «memlekettıŋ äleumettık tapsyrystarynyŋ aǧymdaǧy jobalarynyŋ jüzege asyryluy turaly aityp, baiandama jasady. Jiyn soŋynda qatysuşylar özderın tolǧandyrǧan mäselelerdı ortaǧa saldy.
Jadyra ŞAMŪRATOVA
