OINAIYQ TA, OILAIYQ!
Tärbie – balabaqşadan bastalady. Mektep jasyna deiıngı balany damytatyn, ösıretın ärı tärbieleitın negızgı ıs-äreket – oiyn. Öitkenı, oiyn arqyly bala özın qorşaǧan ortamen, tabiǧatpen, adamdardyŋ eŋbegımen tanysady.
Halqymyz oiyndardy balanyŋ jas erekşelıgıne qarai baǧalaǧan. Estetikalyq tärbie berudıŋ maŋyzdy qūraly balalardy ūiymşyldyqqa üiretedı. Oiynnyŋ türlerı köp, sonyŋ ışınde maŋyzdysy – didaktikalyq oiyndar. Balanyŋ qyzyǧuşylyǧyn oiatyp, belsendılıgın arttyru maqsatynda Astana qalasyndaǧy «Saltanat» balabaqşasynda «Oinaiyq ta, oilaiyq!» aşyq sabaǧy öttı. Didaktikalyq oiyndarǧa negızdelgen sabaqtyŋ paidasy köp. Jattyǧular arqyly balalardyŋ sözdık qoryn baiytuǧa, oilau qabıletın damytuǧa bolady.
«Qyzǧaldaq» tobynda ötkızılgen aşyq sabaqta balaǧa qarama-qarsy sözderdı anyqtau daǧdylaryn qalyptastyrudy közdeitın «Surettıŋ jūbyn tap», «Ūqsas sözder» oiyndary ūiymdastyryldy. Soŋynda büldırşınder döŋgelene tūryp, jürekşe beru arqyly bır-bırıne jyly sözdermen tılek aitty. Qyzyqty ötkızılgen oiyn «Arailap atqan är taŋ bızge jaqsylyq nūryn şaşa bersın!» degen hormen aiaqtaldy.
Mädina SÄDIROVA,
№57 «Saltanat» balabaqşasynyŋ pedagog-psihology