Qazaqstan Prezidentı qatysuşylarǧa arnaǧan sözınde Rio-De-Janeirodaǧy Olimpiadada Qazaqstan namysyn qorǧaityn sportşylarǧa elımızdıŋ erekşe ümıt artatynyn atap öttı.
– Sender sporttaǧy bızdıŋ olimpiadalyq otbasymyzdyŋ tolyqqandy müşesısıŋder. Qazaqstandyqtar olimpiada nysandaryndaǧy tribunalarda jäne teledidar aldynda senderge qoldau körsetetının ūmytpauǧa tiıssıŋder. Senderdıŋ qatysularyŋ barşa otandastarymyzdy ruhtandyrady jäne quantady. Sondyqtan senderdıŋ aldaǧy jeŋısterıŋdı bız Qazaqstan Täuelsızdıgınıŋ 25 jyldyǧyna arnalǧan syi retınde kütemız. Bız tebırenıs jäne şynaiy tolqynyspen senderdıŋ jeŋısterıŋe senıp, Olimpiada aiaqtalǧan soŋ jeŋımpazdardy elde maqtanyşpen jäne qūrmetpen kütetın bolamyz, – dedı Qazaqstan Prezidentı.
Memleket basşysy qazırgı kezde respublikamyz Täuelsızdık tarihyndaǧy eŋ myqty sporttyq äleuetke ie ekenıne toqtalyp öttı.
– Olimpiada aldyndaǧy resmi oiyndardyŋ qorytyndylary Aziia jäne älem chempionattarynda sübelı nätijeler körsetıp jürgen qazaqstandyqtardyŋ jaŋa saŋlaq buynyn tärbielep şyǧara alǧanymyzdy baiqatty. Jalpy, Qazaqstan ūlttyq qūramasy Rio-De-Janeirodaǧy 2016 jylǧy Olimpiadanyŋ bastaluyna daiyn boldy. Bügınde bızdıŋ sportşylar 38 olimpiadalyq sport türınıŋ 26-sy boiynşa 100-den astam lisenziia ūtyp aldy. Mūnyŋ özı jaqsy jetıstık, – dedı Nūrsūltan Nazarbaev.
Elbasy elımızde ärdaiym sportqa erekşe män berılıp kele jatqanyna nazar audardy.
– Soŋǧy üş jyldyŋ özınde olimpiadalyq rezervtı keşendı türde daiyndau üşın halyqaralyq deŋgeidegı sport nysandary salyndy. Olar – AİBA Düniejüzılık boks akademiiasy, Almatyda Dziudo akademiiasy, Tarazda «Taraz-Arena» stadiony. Sonymen qatar Qaraǧandyda «Qaraǧandy-Arena» mūz saraiy men Astanada jüzu keşenı bar köp funksionaldy mūz saraiy ıske qosyldy. Būdan bölek bolaşaq olimpiadaşylardy Öskemendegı Olga Rypakova atyndaǧy Jeŋıl atletika ortalyǧy men Almatydaǧy Aleksandr Vinokurov atyndaǧy Sport saraiy daiarlauda, – dedı Elbasy.
Nūrsūltan Nazarbaev paralimpiada qozǧalysynyŋ damuyna da memlekettıŋ jüielı qoldau körsete otyryp, sportpen şūǧyldanuǧa niettı barşa azamattar üşın jaǧdai tuǧyzyp otyrǧanyn aitty.
Būdan bölek, Qazaqstan Prezidentı üş jyl boiy «Qazsport» bırınşı sport telearnasy tabysty jūmys ıstep kele jatqanyn atap öttı.
– Efirdıŋ jartysynan köbın qazaqstandyq sportşylardyŋ qatysuymen ötıp jatqan halyqaralyq jäne ūlttyq jarystardyŋ körsetılımı qūraidy. Telearna reitingısınıŋ joǧarylyǧy onyŋ qazaqstandyqtar arasyndaǧy zor tanymaldylyǧyn körsetedı. Sportpen şūǧyldanu arqyly jeŋıske ūmtylys, küş-qairat, alǧa qoiǧan maqsatqa jetuge talpynys siiaqty maŋyzdy qasietter jetıledı. Sport degenımız – densaulyq, ruhtyŋ küştılıgı, otansüigıştık. Men jastarymyzdy dene şynyqtyrumen jäne sportpen köbırek şūǧyldanuǧa şaqyramyn, – dedı Memleket basşysy.
Nūrsūltan Nazarbaev Täuelsızdık jyldarynda eŋ aituly halyqaralyq jarystarda öz elınıŋ tuyn maqtanyşpen alyp jürgen daryndy sportşylar şoǧyry tärbielengenın atap öttı.
– Täuelsız Qazaqstannyŋ 25 jyldyq sport tarihyna Olimpiada oiyndarynyŋ 17 chempionynyŋ esımı altyn ärıptermen jazyldy. Bız azamattarymyzdy patriottyqqa, salamatty ömır saltyna tärbieleude olimpiadaşylarymyzdyŋ eŋbegı qanşalyqty zor ekenın bılemız. Bügınde sızderdıŋ aldaryŋyzda özderıŋızdıŋ sporttyq nätijelerıŋız arqyly bükıl älemge Qazaqstan sportynyŋ äleuetın taǧy da däleldeu mındetı tūr. Sızder jalpykomandalyq esepte barynşa joǧary oryn ielenu üşın ūmtyluǧa tiıssızder. Sızderge olimpiadalyq jarysqa sapaly daiyndalu üşın qajettı barlyq jaǧdai jasaldy, – dedı Qazaqstan Prezidentı.
Memleket basşysy Qazaqstannyŋ Olimpiadalyq qūramasy müşelerın bar küş-jıgerlerın jūmsauǧa, biık nätije men sporttyq bäsekege ūmtyluǧa şaqyrdy.
Qazaqstannyŋ sport delegasiiasy ökılderı öz sözderınde dene şynyqtyru men sportty damytu mäselelerıne memleket ūdaiy nazar audaryp kele jatqanyn aita kelıp, Nūrsūltan Nazarbaevqa aq tılegı men qoldauy üşın alǧystaryn aitty.
Kezdesu soŋynda Qazaqstan Prezidentı Olimpiadalyq qūramanyŋ tu ūstauşysy R.Japarovqa memlekettık tudy tapsyrdy.
akorda.kz
