«Jaŋa Qazaqstandy» qūru jolynda elımız üşın, barşa qazaqstandyqtar üşın asa maŋyzdy, syndarly sät tūr deuge bolady. Prezident Qasym-Jomart Toqaev Konstitusiiaǧa özgerıster men tolyqtyrular engızu üşın 5 mausymda respublikalyq referendum ötkızu turaly Jarlyqqa qol qoiyp, mälım ettı.
Bükılhalyqtyq referendum täuelsız elımızdıŋ bolaşaǧyn aiqyndap qana qoimai, ärbır azamatymyzdyŋ dauysy estılıp, köpten kütken osy bır tarihi betbūrysty jasauǧa öz ülesın qosqaly otyr. Būl degenımız taŋdaǧan jolymyzdyŋ nyq ekenın, eldıŋ güldenuı men damuynyŋ negızgı baǧdary demokratiialyq qaǧidattardy berık ūstanatynymyzdy bıldıredı.
Aldaǧy uaqytta örkeniettı elderdei basqaru ülgısındegı olqylyqtardan arylyp, otyz jyldyŋ sabaǧynan qorytyndy şyǧaryp, ötken kemşılıkterdı qalpyna keltırıp, yqpaldy Parlamentı jäne esep beretın Ükımetı bar prezidenttık respublikaǧa tübegeilı köşudı közdeidı.
Prezidentımız aitqanyndai: «Konstitusiialyq reforma bilıktıŋ ökıldı tarmaǧyn aitarlyqtai küşeitedı. Üilesımdı jäne teŋgerımdı jüienı nyǧaitady. Mäslihattardyŋ yqpalyn arttyrady».
Osy künge deiın qordalanǧan mäseleler, būqaranyŋ äleumettık jaǧdaiynyŋ kürdelı tüiınderın tübegeilı şeşude bır jaǧadan bas, bır jeŋnen qol şyǧaryp, aldymyzda kezdesken qiynşylyqtardy jeŋuge qauqarlymyz ba degen sūraq köbımızdıŋ kökeiımızde jürgenı ras. Alaida halyqtyŋ erık-jıgerıne senemız, 5 mausym bızdıŋ bolaşaqqa amanatymyzdy aiqyndap, sol küngı batyl şeşımımız bızdı alǧa bastaitynyna kämıl senemın!
Asqar SMAǦŪLOV, Nūr-Sūltan qalasy mäslihatynyŋ deputaty
