Öŋırlık ştabtyŋ otyrysy
Jaqynda elorda äkımdıgınde tehnikalyq retteu mäselelerı jönındegı öŋırlık ştabtyŋ kezektı otyrysy öttı.
Jiynǧa Astana äkımınıŋ orynbasary Andrei Lukin, QR İDM Tehnikalyq retteu jäne metrologiia komitetı töraǧasynyŋ orynbasarlary Ǧalymjan Dūǧalov jäne Erjan Qarasaev, «Qazaqstan standarttau jäne sertifikattau instituty» men «Qazaqstan metrologiia instituty» RMK, «Ūlttyq akkreditteu ortalyǧy» JŞS basşylary, Astana qalasynyŋ käsıpkerler palatasy, Qazaqstan mūnai jäne gaz instituty, Mūnai jäne gaz aqparatty-taldamalyq ortalyǧy, Qazaqstan janarmai assosiasiiasy, qaladaǧy janarmai qūiu stansalary, mūnai bazalary, mūnai jäne mūnai önımderın satu jäne öŋdeu salasyndaǧy ırı kompaniialar, sonymen qatar, qalalyq biznes-qauymdastyqtyŋ ökılderı qatysty.
Aldymen söz alǧan Astana qalasy äkımınıŋ orynbasary Andrei Lukin tehnikalyq retteu salasynda jaŋa standarttardyŋ engızıluı – Qazaqstannyŋ naryǧyn sapasyz önımderden qorǧauǧa, otandyq öndıruşılerdıŋ bäsekege qabılettıgın arttyruǧa ülken qoldau bolatynyna airyqşa toqtaldy.
– Ükımet būdan ekı jyl būryn tehnikalyq retteu jäne metrologiia jüiesın jetıldıru jönındegı 2020 jylǧa deiıngı keşendı jospar bekıtken bolatyn. Osy jospar respublikamyzdaǧy tehnikalyq retteu jüiesınıŋ qoldanystaǧy täsılın tübegeilı jetıldıredı jäne otandyq öndıruşıler men syrtqy ekonomikalyq qatynasta jūmys jasaityn kompaniialardyŋ älemdık naryqta bäsekege qabılettılıgın arttyruǧa septesedı. Bız öz kezegımızde tehnikalyq retteu salasynda memlekettık-jeke menşık serıktestıktı damytu boiynşa müddelı taraptardyŋ özara äreketın qamtamasyz etuge tiıspız. İndustriialandyru kartasyna, «Biznestıŋ jol kartasy – 2020» baǧdarlamasyna säikes elordada tehnikalyq retteu salasynda bıryŋǧai tehnikalyq saiasat qajet, – dedı A.Lukin.
Qala äkımınıŋ orynbasary öz baiandamasynda tehnikalyq retteu salasynda memlekettık ūiymdardyŋ, Ūlttyq käsıpkerler palatasy öŋırlık keŋesınıŋ, salalyq biznes-qauymdastyqtardyŋ, tūtynuşylardyŋ qūqyǧyn qorǧau qoǧamynyŋ jäne basqa da qoǧamdyq bırlestıkterdıŋ äreketterı jan-jaqty üilestırıletının, «Tehnikalyq retteu turaly» Zaŋdy ıske asyruda memlekettık jäne korporativtık sektorlarǧa järdem beru mäselesın egjei-tegjei äŋgımelep berdı.
Onyŋ aituynşa, tärtıpke keltırılgen jūmys otandyq naryqty qauıptı jäne sapasyz önımnen qorǧauǧa, älemdık standarttarǧa säikes önım şyǧaruǧa qajettı jaǧdailar jasauǧa, menedjment jüiesın engızuge, sondai-aq, ışkı naryqtyŋ infraqūrylymyn jasap, industriialandyru kartasy aiasynda jobalardy sättı ıske asyruǧa mümkındık bermek.
Jiynda sala mamandary tasymaldauǧa jäne qoldanuǧa daiyndalǧan mūnaiǧa qauıpsızdık talaptaryn ornatatyn EEO tehnikalyq reglamentın de talqyǧa saldy. Būl jobanyŋ negızgı maqsaty – adam densaulyǧy men qorşaǧan ortany qorǧau. Reglamentte barlyq tiıstı talaptar bar jäne ol 2017 jylǧy 1 nauryzǧa qarai engızılmek.
Būdan soŋ Tehnikalyq retteu jäne metrologiia komitetı töraǧasynyŋ orynbasary Ǧalymjan Dūǧalov ötkızılıp jatqan ıs-şaranyŋ maŋyzdylyǧyn atap ötıp, kün tärtıbındegı kelesı mäselelerdı tızbektep şyqty.
– Tasymaldauǧa jäne qoldanuǧa daiyndalǧan mūnaiǧa qauıpsızdık talaptaryn ornatatyn EEO tehnikalyq reglamentı jobasyn, janarmai sapasyna ötpelı baqylau jüiesın, sonymen qatar «Mūnai önımderın öndıruşılerdıŋ öndırıstık obektılerınıŋ, mūnai önımderı bazalarynyŋ jäne janarmai qūiu stansalary rezervuarlaryn esepke alatyn baqylau aspaptarymen jaraqtandyru boiynşa qaǧidalar men talaptar» jobasyn qarastyruymyz qajet, – dedı Ǧalymjan Tılektesūly.
Şara aiasynda Astana qalasynyŋ öŋırlık ştab müşelerı «QazMūnaiGaz Önımderı» JŞS mūnai önımderın ırıkteu jäne synau jönındegı akkredittelgen synaq zerthanasyna baryp, janarmaidy ötpelı baqylau jüiesımen jäne jaŋa synaq jabdyqtarymen tanysty.
M. ŞAMŪRATOV, astana-akshamy.kz