Keşe Oŋtüstık Koreia elınıŋ Kvandjou qalasynda ötken HHVIII Düniejüzılık jazǧy Universiada saltanatty türde jabyldy. Älemnıŋ 146 memleketınen kelgen 12 986 student sporttyŋ 21 türınen 272 medaldar jiyntyǧyn sarapqa saldy. Elımızdıŋ enşısınde – 6 altyn jäne 4 qola jülde. Osy körsetkışpen sportşylarymyz komandalyq esepte 10-oryndy ielendı.
Būl – Düniejüzılık Universiada tarihyndaǧy Qazaqstannyŋ eŋ üzdık nätijesı. Osyǧan deiıngı üzdık körsetkış 2007 jyly Bangkok qalasynda tırkeldı. Ol uaqytta jerlesterımız 5 altyn medal alyp, komandalyq esepte 11-orynǧa tūraqtaǧan edı.
Sonymen, jahannyŋ saŋlaq studentterı baq synaǧan Universiadada Qazaqstan qorjynyna alǧaşqy altyndy 2014 jylǧy Aziia oiyndarynyŋ üş dürkın chempiony, äl-Farabi atyndaǧy Qazaq ūlttyq universitetınıŋ studentı Dmitrii Balandin saldy. Ol jüzudıŋ 100 m brass türınen altyn, al 50 m qaşyqtyqtan qola medal aldy. Dmitrii būl joly özınıŋ tek Aziianyŋ ǧana emes, älemnıŋ üzdık jüzuşılerınıŋ bırı ekenın däleldedı.
Osy universitettıŋ studentı Viktoriia Ziabkina jeŋıl atletikadan 100 m jäne 200 m jügıruden qos altynǧa qol jetkızdı. Onymen toqtamai 4h100 m jügıruden Iýliia Rahmanova, Svetlana İvanchukova, Anastasiia Tulapina syndy jüirıktermen bırge taǧy bır altyn medal ielendı.
Taekvando jarysynda 58 kg salmaqta M. Äuezov atyndaǧy Oŋtüstık Qazaqstan memlekettık universitetınıŋ studentı Nūrsūltan Mamaev altyn aldy. Sondai-aq, jeŋıl atletikadan 5,50 m biıktıkke sekıruden QazŪU studentı Nikita Filippov altyn jüldemızdı eseledı.
Erekşe atap ötken jön, 6 altyn medaldıŋ beseuın äl-Farabi atyndaǧy QazŪU studentterı jeŋıp aldy.
