Astanadaǧy №80 mekteptıŋ oquşysy Aibek Naraliev Şymkent qalasynda ötken doibydan Qazaqstan Respublikasy chempionatynda jüldelı orynǧa qol jetkızdı.
On ekı jasar elordalyq Aibek Naraliev – sport şeberıne ümıtker. Ol erler arasynda ötken bırınşılıktıŋ kümıs jüldesın ūtyp aldy. Sondai-aq, 23 jasqa deiıngı jastar arasynda bolǧan dodada altynnan alqa taqty.
Būl ziiatkerlık saiysyna Astana, Almaty, Şymkent, OQO, Aqtöbe jäne Oral, Qaraǧandy, Qostanai oblystarynan 60 sportşy qatysty.
Aibektıŋ jattyqtyruşysy Ǧalymjan Saparūlynyŋ aituynşa, Astanada erler arasynda el chempiony bolǧan ekı doibyşy bar. Olar – 13 jasynda chempion bolǧan Esbol Erenǧaiyp pen 15 jasynda bärınen üzdık bolǧan Arǧyn Ädıl.
Al osy bırınşılıkte erekşelengen Aibektıŋ bügınge deiın jetıstıkterın atap aitar bolsaq, onyŋ enşısınde Aziia chempionatynyŋ üş altyny jäne Älem chempionatynyŋ bır kümısı bar.
Orynbek ÖTEMŪRAT
