Nūr-Sūltan qalasynyŋ äkımı Altai Kölgınov azamattardy onlain-qabyldau ötkızdı. Būl turaly ol özınıŋ Instagram-daǧy paraqşasynda jazdy.
«Azamattardy tūraqty türde onlain-qabyldap jatyrmyz. Bügın qala tūrǧyndary tūrǧyn üi, sportpen ainalysu üşın jaǧdaidy jaqsartu jäne t. b. mäselelerdı köterdı» dep jazdy qala basşysy.
«Memleket basşysynyŋ tapsyrmasyna säikes, biyl qoljetımdı tūrǧyn üi kölemı ūlǧaiady. Äleumettık päterler kezekte tūrǧan azamattarǧa (halyqtyŋ äleumettık älsız toptary), «Tūrǧyn üi qūrylys jinaq bankınıŋ» salymşylaryna berıledı. «Qazaqstandyq ipotekalyq kompaniiamen» bırlese otyryp, därıgerler, mūǧalımder, äleumettık qyzmetkerler, poliseiler jäne t. b. üşın bırqatar tūrǧyn üi salamyz» dep tüsındırdı äkım. Sondai-aq Altai Kölgınov sport nysandaryn aşu jäne sportpen ainalysuǧa jaǧdai jasau boiynşa jüielı jūmystar jürgızıletının, köterılgen mäseleler josparǧa engızılgenın mälım ettı.
