Jyl basynan berı azamattardy qabyldau apta saiyn jürgızılıp, qabyldanǧan adamdardyŋ sany artuda. Äsırese onlain-qabyldaulardy ötkızu tört ese ösken. Būl turaly Nūr-Sūltan qalasynyŋ äkımı Altai Kölgınov Instagram paraqşasynda jazdy.
«Onlain-qabyldauda 10-nan astam otbasyn qabyldadym. Eger bır otbasy müşesınıŋ mäselesı şeşılse, demek barlyq otbasy müşelerınıŋ mäselesı şeşıledı. Onlain-qabyldaulardy ötkızu tört ese artty. Jyl basynan berı azamattardy apta saiyn qabyldap kelemız, qabyldanǧan adamdardyŋ sany artyp jatyr. Negızgı mäseleler tūrǧyn üi, bılım beru, äleumettık kömek, jūmysqa ornalasu jäne t.b. mäselelerge qatysty» dep jazdy A.Kölgınov.
«Bır tereze» qaǧidaty boiynşa qala tūrǧyndaryna 70-ten astam memlekettık qyzmet, onyŋ ışınde äleumettık kömek körsetetın «Janūia» otbasy institutyn qoldau ortalyǧynyŋ mysaly boiynşa ötken aida tūrǧyn üi salasynda qyzmet körsetetın bıryŋǧai ortalyq aşyldy. Onda tūrǧyn üi kezegınıŋ nömırı, kezekke qalai tūru kerektıgı, türlı tūrǧyn üi baǧdarlamalarynyŋ tetıkterı jäne t.b. turaly bıluge bolady.
«Bılım salasyna keletın bolsaq, halyqtyŋ äleumettık älsız toptarynan şyqqan balalarǧa bölınetın granttar sanyn aitarlyqtai keŋeittık. Jūmyspen qamtu ortalyǧy jūmysqa ornalasuǧa kömektesedı. «Jūmyspen qamtudyŋ jol kartasy» baǧdarlamasy boiynşa biyl 15 myŋnan astam jūmys orny aşyldy. Būl şaralardyŋ barlyǧy jalǧasady. Azamattardyŋ qabyldaularynda köterılgen mäselelerdıŋ bır bölıgı bırden şeşımın tabady, qalǧandary josparǧa alynady» deidı elorda äkımı.
