Memleket basşysy-Qazaqstan Qaruly Küşterınıŋ Joǧarǧy Bas qolbasşysy «Qaisar-2021» oqu-jattyǧuyna bardy.
Qasym-Jomart Toqaev Qazaqstan Respublikasy Işkı ıster ministrlıgı Ūlttyq ūlan qūrylymynyŋ Almaty oblysyndaǧy Jauyngerlık jäne ädıstemelık daiyndyq ortalyǧynda ötken «Qaisar-2021» jedel-taktikalyq oqu-jattyǧularyna bardy. Memleket basşysyna arnaiy jasaq qyzmetkerlerınıŋ qoian-qoltyq ūrysqa daiyndyǧy körsetıldı. Prezident jattyǧu jüielerı, biıkke örmeleu qabyrǧalary jäne oqu ortalyǧynyŋ multimediialyq myltyq atu poligonyn aralady.
Joǧarǧy Bas qolbasşy äskeriler aldynda söilegen sözınde Qazaqstannyŋ myqty memleket bolyp qalyptasuyna qūqyq qorǧau organdary eleulı üles qosyp jatqanyn atap öttı.
– Sızderdıŋ qajyrly eŋbekterıŋızdıŋ arqasynda elımızde qoǧamdyq qauıpsızdık berık ornyqty. Qylmyspen küresıp, azamattardyŋ alaŋsyz tırşılıgın qamtamasyz etu – täuekelı köp jūmys. Tärtıp saqşysy kez kelgen uaqytta qaterdıŋ betın qaitaruǧa daiyn tūruǧa tiıs. Būl zor jauapkerşılık pen tözımdılıktı talap etedı. Polisiia qyzmetkerlerı qaşanda qyraǧy ärı şiraq boluy kerek. Sondyqtan, osyndai oqu-jattyǧular käsıbi şeberlıktı şyŋdau üşın öte maŋyzdy, – dedı Qasym-Jomart Toqaev.
Prezident qūqyq qorǧau organdarynda qyzmet etu fizikalyq jäne psihologiialyq qysymǧa ūşyratady, tıptı, keide jeke ömırıne de qauıptı ekenıne toqtaldy.
– Täuelsızdık jyldarynda ışkı ıster organdary men Ūlttyq ūlannyŋ äskeri qyzmetşılerı qatarynan, barlyǧy 802 azamat qyzmettık mındetterın oryndau barysynda qaza tapty. Olar ömırınıŋ soŋyna deiın antyna adal boldy. Erlerdıŋ esımı mäŋgı ūmytylmaidy. Janqiiarlyǧy men batyrlyǧy üşın 1567 qyzmetker ordendermen jäne medaldarmen marapattaldy, – dedı Memleket basşysy.
Joǧarǧy Bas qolbasşy qūqyq qorǧau organdary salasyndaǧy ştattyq qyzmetkerlerdıŋ äleumettık jaǧdaiyn jaqsartu mäselesıne toqtaldy.
– Halyqaralyq ahualdyŋ şielenısuı jaǧdaiynda bızdıŋ küştık qūrylymdar meilınşe ūtqyr boluǧa tiıs. Auǧanstandaǧy jaǧdaiǧa bailanysty qoǧamda alaŋdauşylyq artyp kele jatqanyn körıp otyrmyz. Būl oqiǧalar Qazaqstanǧa tıkelei qauıp töndırmeidı. Alaida belgılı bır därejede qaterı bar. Sondyqtan bız jaǧdaidy mūqiiat baqylap, kez kelgen syn-qaterge laiyqty jauap beruge daiyn boluymyz kerek, – dedı Joǧarǧy Bas qolbasşy.
Qasym-Jomart Toqaev küştık qūrylymdar qyzmetkerlerınıŋ aldynda söilegen sözınde jas ūrpaqtyŋ solarǧa qarap boi tüzeitının eskerttı.
