ÖRKENDI ÖZGERISTER ÖRISI
Künnen-künge säulettenıp, ırge keŋeitıp kele jatqan bas qalamyzda qoǧamdyq kölıktıŋ alatyn orny aiyryqşa. Resmi mälımetter boiynşa tūrǧyn halqy segız jüz myŋnan asqan megapolistegı qala ışılık avtobus qatynastarynyŋ jaqsy jolǧa qoiyluy tek tärtıptı qamtamasyz etıp qoimaidy, adamdardyŋ erkın jürıp-tūruyna da oŋ äserın tigızedı.
Osyǧan orai, bügıngı taŋda elordanyŋ qoǧamdyq kölık salasynda aitarlyqtai özgerıster oryn aluda.
Bırınşı kezekte, būl «Astana EXPO-2017» halyqaralyq körmesın ötkızude tiıstı deŋgeide qolaily jaǧdai jasauǧa baǧyttalǧan jūmystyŋ jaŋa ülgısıne tıkelei qatysty. «Bız barlyq özgerısterdı dūrys qabyldaudamyz jäne ol özgerısterdıŋ alǧaşqy oŋ nätijelerın körudemız» deidı qalalyq qoǧamdyq kölık mekemelerı basşylary.
Qaladaǧy №1, 2, 3, 4 jäne №6 avtobus parkterı basşylarynyŋ aituynşa, kölık salasynyŋ mamandary öz jūmystaryn tiianaqty atqaruda. Al, tüitkıldı mäselelerdı qala äkımşılıgımen bırlese şeşedı.
Qazır avtoparkter zamanaui talaptar men aqparattyq tehnologiialardy paidalana otyryp, tolyq kölemde jolauşylardy tasymaldauǧa müddelı. Keiıngı kezde jürgızuşıler men konduktorlardyŋ bılıktılıgın arttyru baǧytynda da belsendı jūmystar jürgızılude.
– Ärqaisymyz öz salamyzdy jetık meŋgergenbız. Sondyqtan, elordanyŋ qoǧamdyq kölık salasyn jetıldıru baǧytyndaǧy jauapkerşılıktı sezınemız, – deidı № 1, 2, 3, 4 jäne №6 avtobus parkterınıŋ ökılderı.
Olar tüitkıldı mäselelerdıŋ oŋ şeşımın tauyp, qala tūrǧyndaryna sapaly qyzmet körsetuge qūlşyna kırısıp otyr.
Jūma ǦAZİEV