Elordanyŋ Baiqoŋyr audanynda zamanaui jabdyqtarmen jaraqtalǧan ört söndıru deposy aşyldy. Būl turaly Nūr-Sūltan qalasynyŋ äkımı Altai Kölgınov öz instagram paraqşasynda jazdy.
«Qalaǧa qajet äleumettık jäne basqa da nysandardy jüielı türde köbeitıp jatyrmyz. Baiqoŋyr audanynda kerek jabdyqtarmen jaraqtalǧan ört söndıru deposyn aştyq. Tört qabatty ǧimaratta ört söndıruşılerge qajettıŋ barlyǧy bar. Depo şeberhanamen, akkumuliator bölmesımen, psihologiialyq jailanu bölmesı bar sport zalymen, oqu kabinetımen, tūrǧyndardy instruktajdan ötkızu bölmesımen jäne t.b. jabdyqtalǧan» dep jazdy qala basşysy.
Sonymen qatar, TJD qyzmetkerlerın Qūtqaruşylar künımen qūttyqtaǧan qala äkımı biyl qūtqaruşylarǧa 10 maşina alynǧanyn, jaqynda taǧy 50 maşina berıletının jetkızdı.
