Täuelsızdık künı qarsaŋynda elordalyq TJD avtoparkı 50 jaŋa zamanaui ört söndıru tehnikasymen tolyqty. Elorda äkımı Altai Kölgınov ört söndıruşılerdı Täuelsızdık künımen qūttyqtady.
Ört söndıruşılerdıŋ käsıbilıgı men erlıgıne örtke qarsy tehnikalyq jabdyqtalu deŋgeiı de sai boluy tiıs. QR Täuelsızdık künı qarsaŋynda elordalyq TJD avtoparkı jaŋa zamanaui ört söndıru tehnikasymen tolyqty. «50 arnaiy maşina satyp aldyq, olardyŋ basym bölıgı qoldanysqa berıldı. Ört söndıru avtomaşinalary jūmysqa qajet barlyq zattarmen jabdyqtalǧan, zamanaui tehnikalyq talaptarǧa säikes keledı.
Jedel äreket etetın avtomobilderdıŋ arasynda 90 metr biıkte ört söndıruge mümkındık beretın arnaiy kötergış tehnika bar. Arnaiy tehnikanyŋ būl türı elımızde alǧaş ret qoldanysqa berılmek. Byltyr 10 arnaiy maşina qoldanysqa berılse, biyl taǧy 50-ı alyndy. Baiqoŋyr audanynda ört söndıru deposyn aştyq. Taǧy 3 ört söndıru deposyn salamyz, olardyŋ ekeuı eldı mekenderde aşylady. Būl materialdyq-tehnikalyq bazany jaqsartuǧa jäne qūtqaruşylarǧa jūmys ısteu üşın qolaily jaǧdai jasauǧa mümkındık beredı.
Tūrǧyn üi jaǧdaiyn jaqsartu üşın qazaqstandyq tūrǧyn üi baǧdarlamasyna qatysuşylardyŋ sanaty keŋeitıldı, oǧan TJD qyzmetkerlerı de kırdı. Sonymen qatar «Elorda jastary» arnaiy tūrǧyn üi baǧdarlamasy boiynşa tūrǧyn üi bölemız» dep jazdy A.Kölgınov.
Sondai-aq elorda äkımı Tötenşe jaǧdailar departamentınıŋ qyzmetkerlerıne qajyrly eŋbegı men jūmysyna adaldyǧy üşın alǧys aitty. Aita keteiık, jyl basynan berı qūtqaruşylar 400-ge juyq adamdy qūtqarǧan.
