Şyny kerek, qoǧamda därıgerlerge degen ärtürlı syn-pıkırler aitylyp jatady. Alaida emdeluşılerdıŋ arasynda aq jeleŋdı abzal jandarǧa alǧysyn jaudyryp jatatyn da azamattar jeterlık. Solardyŋ bırı – juyrda Ūlttyq onkologiia jäne transplantologiia ǧylymi ortalyǧynda ota jasatqan Meiram Mailybaev. Zeinetker Aqmola oblysy Ereimentau audanynan atalǧan ortalyqqa portal arqyly tırkelıp kelgenın aitady.
Meiram Mailybaev jüregıne ota jasaǧan ortalyq därıgerlerınıŋ şeberlıgıne dän riza. Sebebı ol qartaiǧan şaqta «pyşaqqa tüsudıŋ» psihologiialyq tūrǧydan oŋaiǧa soqpaǧanyn aityp berdı.
– Audannan Astanaǧa bet alǧanda «būl qalai bolar eken?» dep alaŋdaǧan bolatynmyn. Öitkenı jasym jetpıske jetkende jürekke ota jasatu qyl köpırden ötkennen beter qiyn eken. Jürek tūrmaq basqa organǧa ota jasatsaq ta alaŋdaitynymyz jasyryn emes qoi. Baqytyma orai, ortalyqtyŋ kardiologiia bölımşesınıŋ meŋgeruşısı Talǧat Moldabekov bastaǧan därıgerler jan-jaqty kömek körsettı. Äsırese, özıme ota jasaǧan Talǧat Esqaraev pen Däuletbek Maratūlyna jäne de emdeuşı därıger Güljaina Lepesovaǧa alǧysym şeksız. Öitkenı bırınşı Alla, ekınşısı osy därıgerlerdıŋ arqasynda aman qaldym dep esepteimın. Sondyqtan da medisina qyzmetkerlerınıŋ töl merekesı qarsaŋynda aq jeleŋdı abzal jandardy qūttyqtaimyn, – deidı zeinetker.
Serık JOLDASBAI
