Syrt pışını «ottyqqa» ūqsaityn «Transport Tauer» äkımşılık-tehnologiialyq keşenı 2003 jyly aşylǧanda ainalasy surettegıdei bos edı. Sol jaǧalaudyŋ ortalyǧyndaǧy Qonaev köşesınıŋ eŋ basynda tūrǧan ǧimaratta Kölık jäne kommunikasiialar ministrlıgı jäne İndustriia jäne sauda ministrlıgı ornalasqan.
Biıktıgı 155 metrlık, 36 qabatty erekşe ǧimarat alystan közge bırden tüsıp, özındık pışınımen, dizainymen nazar audartady. 2000 jyldardyŋ basynda tüsırılgen eskı surette onyŋ ainalasyndaǧy qazırgı basty degen ırı ǧimarattardyŋ ırgesı endı qalanyp jatyr. Elordada sol jyldary qarqyndy jürgızılgen qūrylys jūmystarynyŋ nätijesınde «ottyqtyŋ» ainalasynda «QazMūnaiGaz» kompaniiasynyŋ, «Astana» diplomatiialyq qalaşyǧynyŋ nysandary, «Körme» ortalyǧy jäne taǧy basqa maŋyzdy ǧimarattar salynyp, qazır solardyŋ bärı jaǧalai tyǧyz ornalasqan. Al odan ärı 1 şaqyrymdai jerde «Han Şatyr» sauda, oiyn-sauyq ortalyǧy boi köterdı.
Ǧimarattyŋ bırınşı qabatynda atrium, onyŋ ainalasynda mäjılıs zaldary, ashana, türlı tehnologiialyq mekemeler ornalasqan. Işınde jyldam qozǧalatyn 10 lift jūmys ıstep tūr. Qazaqstannyŋ eŋ biık ǧimarattarynyŋ tızımıne engen nysan köpfunksionaldy injenerlık kommunikasiialarmen, zamanaui tehnikalyq jabdyqtarmen jaraqtalǧan. Vitrajynyŋ jalpy konstruktivtı sūlbasy – älemde qoldanylatyn ozyq tehnologiialardyŋ bırı.
