Astana äkımdıgı jäne «Astana EKSPO-2017» ūlttyq kompaniiasy «EKSPO-2017» körmesın daiyndau jäne ony ötkızu jönınde özara yntymaqtasu turaly kelısımge qol qoidy.
Astana qalasynyŋ äkımı Ädılbek Jaqsybekov «Astana EKSPO-2017» ūlttyq kompaniiasynyŋ basqarma töraǧasy Talǧat Ermegiiaevpen kezdesu barysynda «EKSPO-2017» halyqaralyq körmesın ūiymdastyryp, ötkızuge qatysty özara ärekettestık mäselelerın talqylady.
Ädılbek Ryskeldıūly Elbasy tapsyrǧan mındetterdı oryndauda tyǧyz qarym-qatynas ornatu qajettıgın aita kelıp: «Bızdıŋ äreketterımız injenerlık jelılerdı, joldar men nysandardy saluda, qysqaşa aitqanda, körme qalaşyǧyna qatysty barlyq mäseleler boiynşa ündesıp jūmys ısteuge baǧyttaluy kerek» dedı.
Ekıjaqty kezdesu qorytyndysy boiynşa körme keşenderı qūrylysy, kölıktık-injenerlık infraqūrylymdar, qalalyq qoǧamdyq kölık jüiesın jäne turizmdı damytudyŋ naqty joldary körsetılgen Jol kartasy qabyldandy.
Sonymen qatar, qūjatta körme qonaqtarynyŋ qauıpsızdıgı men olarǧa jaily jaǧdai qalyptastyruǧa baǧyttalǧan şaralar keşenı de körınıs tauyp, «EKSPO-2017» atauynyŋ da brend retınde tanymaldylyǧyn arttyru men erıktıler qyzmetın ūiymdastyru mäselesı boiynşa atqaryluy tiıs jūmystar auqymy da qarastyrylǧan.
