Qala tūrǧyndary sanynyŋ artuymen qajettıinjenerlık-infraqūrylymǧa degen sūranys ta östı. Osy oraida elordada Nur Otan partiiasynyŋ 2025 jylǧa deiıngı sailaualdy baǧdarlamasy aiasynda jaŋa sorǧy-süzgı stansasynyŋ qūrylysy boiynşa auqymdy joba qolǧa alyndy.
Qala tūrǧyndarynyŋ auyz suǧa sūranysyn qamtamasyz etetın sorǧy-süzgı stansasynda 17 şaqyrymdyq su tartqyşy bar. Būl stansa qalanyŋ sol jaǧalauyndaǧy tūrǧyn üi keşenderımen bırge Myŋjyldyq alleiasyn da auyz sumen qamtamasyz etuge qabılettı.
Jalpy «Özgerıster joly: är azamatqa laiyqty ömır!» dep atalatyn sailaualdy baǧdarlamasy aiasynda qalamen bırge qala maŋyndaǧy eldı mekenderge jalpy ūzaqtyǧy 130 şaqyrym bolatyn sumen jabdyqtau jäne su būru jelılerı tartylmaq. Sondai-aq 2025 jylǧa deiın qala tūrǧyndarynyŋ sapaly ömır süruın qamtamasyz etu üşın 85 şaqyrymdyq nöser kärızınıŋ de qūrylysy qatar jürgızıldı.
Bügınge deiın qalany äleumettık-ekonomikalyq damytumen bırge injenerlık infraqūrylymdy jetıldırudı qamtityn jetekşı partiianyŋ köpjyldyq baǧdarlamasyndaǧy 44 punkt boiynşa jospar tolyqtai jüzege asqan. Jyl soŋyna deiın 84 punkttı ıske asyru josparlanǧan.
