Juyrda Ortalyq sailau komissiiasynyŋ töraǧasy Nūrlan Äbdırov aǧymdaǧy sailau nauqany şeŋberınde ekı otyrys ötkızdı. Basqosuda 2023 jylǧy 19 nauryzǧa belgılengen Qazaqstan Respublikasy Parlamentı Mäjılısı deputattarynyŋ kezekten tys sailauyna «Auyl» halyqtyq-demokratiialyq patriottyq partiiasy jäne «Qazaqstannyŋ «Baitaq» jasyldar partiiasy», «Respublica» jäne «Amanat» partiiasy qoǧamdyq bırlestıkterınıŋ partiialyq tızımderın tırkeu mäselelerı qaraldy.
Otyrystarǧa būqaralyq aqparat qūraldary jäne EQYŪ DİAQB sailaudy baiqau Missiiasynyŋ ökılderı şaqyryldy. Otyrystardyŋ transliasiialary surdoaudarmany qamtamasyz ete otyryp, internet-resurs jäne Youtube arqyly öttı. Jiyndy aşyp, söz söilegen Nūrlan Äbdırov Ortalyq sailau komissiiasy ümıtkerlerdıŋ Konstitusiiamen jäne «Sailau turaly» konstitusiialyq zaŋmen qoiylatyn talaptarǧa säikestıgın aiqyndau boiynşa tiıstı räsımder jürgızgenın habarlady. Ortsailaukom öz qūzyretı şeŋberınde Parlament Mäjılısı deputattarynyŋ kezekten tys sailauynda saiasi partiialar ūsynǧan partiialyq tızımdı tırkeudı jüzege asyrady.
Bırınşı otyrystyŋ kün tärtıbı boiynşa Ortalyq sailau komissiiasynyŋ müşesı Asylbek Smaǧūlov baiandama jasady. Onyŋ aituynşa, «Auyl» partiiasynyŋ partiialyq tızımınde 25 adam bar. Tızımdegı 10 adam äielder, jastar jäne mügedektıgı bar adamdar, būl jalpy engızılgenderdıŋ 40 prosentın qūraidy. Partiialyq tızımge engızılgen barlyq adamdar Konstitusiia men sailau turaly Konstitusiialyq zaŋnyŋ talaptaryna säikes keledı. Partiialyq tızımderdı ūsynǧan saiasi partiialar Ortalyq sailau komissiiasynyŋ şotyna partiialyq tızımge engızılgen ärbır adam üşın eŋ tömengı jalaqynyŋ on bes eselengen mölşerınde sailau jarnasyn engızedı. 2021 jylǧy qaŋtarda ötken Parlament Mäjılısı deputattarynyŋ sailauynda «Auyl» partiiasy sailauşylardyŋ 5,29 prosentın jinaǧan bolatyn, osyǧan bailanysty ol sailau jarnasyn töleuden bosatylady.
Ekınşı otyrystyŋ kün tärtıbı boiynşa Ortalyq sailau komissiiasynyŋ müşesı Säbila Mūstafina söz söiledı. Ol «Qazaqstannyŋ «Baitaq» jasyldar partiiasynyŋ» partiialyq tızımıne 18 adam engızılgenın habarlady. 7 adam üş sanattyŋ ökılderı: äielder, jastar jäne mügedektıgı bar adamdar, būl jiyntyǧynda 38,9 prosenttı qūraidy. «Qazaqstannyŋ «Baitaq» jasyldar partiiasy» partiialyq tızımdegı 18 adam üşın 18900000 teŋge somasynda sailau jarnasyn engızdı. Ümıtkerlerdıŋ säikestıgın belgıleu jäne partiialyq tızımdı tırkeu turaly tiıstı hattamalarǧa qol qoiylǧannan keiın OSK müşelerı partiialyq tızımderdı tırkeu turaly qauly qabyldady.
Endı ekı partiia da sailau qoryn qalyptastyru üşın arnaiy uaqytşa şot aşuǧa qūqyly. Barlyq tırkelgen kandidattar tiıstı kuälıkterdı aldy. Otyrys qorytyndylary boiynşa saiasi partiialardyŋ ökılderı dästürlı brifingter barysynda būqaralyq aqparat qūraldarynyŋ sūraqtaryna jauap berdı.
