Elordadaǧy №5 balalar kıtaphanasynda Qazaqstannyŋ halyq jazuşysy Fariza Oŋǧarsynovanyŋ 80 jyldyǧyna orai «Öleŋ men senı aialap ötem…» atty aqyn oqulary öttı. Būl baiqaudy Ortalyqtandyrylǧan kıtaphanalar jüiesı ūiymdastyrdy.
Aqyn oqularyna qalanyŋ 15 mektebınen 5-11 synyp aralyǧyndaǧy 80 oquşy men Politehnikalyq jäne Qarjy kolledjınıŋ studentterı qatysty.
Biyl «Qazaq poeziiasynyŋ padişasy» atanǧan aqyn apamyzdyŋ mereitoiy tuǧan jerı – Atyrauda bastalyp, elordada jalǧasyn tapty. Bas şaharda ardaqty tūlǧaǧa köşe berılıp, jauhar jyrǧa toly syrly keş öttı. Aqynnyŋ jyr kıtabynyŋ tanystyrylymy men ol turaly jazylǧan spektakl qoiyldy. Qabyrǧaly qalamgerdıŋ toiy mūnymen toqtap qalǧan joq. Balalar kıtaphanasy Fariza Oŋǧarsynovanyŋ däl tuǧan künı – 5 jeltoqsanǧa orailastyryp ūiymdastyrǧan baiqau da osy toidyŋ jalǧasy deuge bolady.
Fariza oqularyna Mädeniet qairatkerı, ūstaz Ospan Süleimenov, jurnalist Küläş Moldahmetova jäne Aidana Segızbaeva, Aijan Tabarakqyzy sekıldı jas aqyndar qazylyq ettı.
Baiqauǧa qatysuşylar aqyn öleŋderın jatqa oqyp, jinalǧan qauymdy poeziia qainarynan susyndatty. Sondai-aq şaiyrdyŋ sözıne jazylǧan änderdı de oryndady.
Sonymen aqyn oqulary baiqauyndaǧy 5-8 synyptar arasyndaǧy saiysta №10 mektep-gimnaziiasynyŋ oquşysy Arujan Tölegenova bırınşı oryn aldy. 9-11 synyptar arasynda İmanjüsıp Qūtpanūly atyndaǧy orta mekteptıŋ oquşysy Maqpal Rahatqyzynyŋ baǧy jandy. Arnaiy jülde Iŋkär Mergenge būiyrdy. Jüldegerler baǧaly syilyqtarmen marapattaldy.
