«Qazaqstan 2050» jalpyūlttyq qozǧalysy polietilen paketterden bas tartyp, matadan nemese qaǧazdan jasalǧan sömkege köşuge ündeidı. Osy maqsatta qozǧalys Astanada «Eko paket» jobasyn jüzege asyruda.
Qozǧalys belsendılerınıŋ aituynşa, polietilen pakettıŋ bäigısı ärı ketse – jarty saǧat, tez jyrtylyp qalady, al bıraq ol qoqys küiınde qorşaǧan ortada organikalyq zat retınde tez şırıp ketpei, ondaǧan jyl jata beredı. Zertteu nätijelerıne süiensek, är tūrǧyn jylyna şamamen 300 paket qoldanady eken. Al, eger bır adam odan bas tartsa, jylyna 50 litr mūnaidy ünemder edı. Qazır «Qazaqstan – 2050» qozǧalysy qazır astanalyqtar matadan tıgılgen eko-sömkeler men qaǧazdan jasalǧan qaptamalardy supermarketterden satyp aluǧa qanşalyqty daiyn, qanşadan satsa ötımdı bolady degen mäseleler boiynşa saualnama jürgızude (saualnamaǧa https://ru.surveymonkey.com/s/WVNSTFH sıltemesı arqyly ötıp qatysuǧa bolady). Odan bölek, 15 qaraşa – Düniejüzılık qaita öŋdeu künıne orai qozǧalys belsendılerı polietilen paketterden bas tartu jönınde aksiia ötkızbekşı.
Edıl BÖKEEV
