ASTANADA QAZAQSTAN PREZİDENTINIŊ KUBOGY ÜŞIN BOKSTAN V HALYQARALYQ TURNİR BASTALDY. JARYSTYŊ SALTANATTY AŞYLUYNDA QR MÄDENİET JÄNE SPORT MİNİSTRLIGI SPORT JÄNE DENE ŞYNYQTYRU KOMİTETINIŊ TÖRAǦASY ELSİIаR QANAǦATOV JARYSQA QATYSUŞYLARǦA SÄTTILIK TILEDI. ASTANA QALASY ÄKIMINIŊ ORYNBASARY ERMEK AMANŞAEV PREZİDENT KUBOGY ÜŞIN ÖTETIN HALYQARALYQ TURNİR BÜGINGI TAŊDA BÜKIL ÄLEM KÖZ TIKKEN «EKSPO-2017» QARSAŊYNDA ŪIYMDASTYRYLYP OTYRǦAN AITULY OQİǦALARDYŊ BIRI EKENIN ATAP ÖTIP, JARYSQA QATYSUŞY SPORTŞYLARǦA TABYS TILEP, SONYMEN QATAR, ŞETELDIK QONAQTARǦA ALǦYSYN BILDIRDI.
«Däulet» sport keşenınde kerılgen şarşy alaŋda Resei, Ukraina, Özbekstan, Moŋǧoliia, Ündıstan, Filippin, Qyrǧyzstan, Oŋtüstık Koreia, Täjıkstan, İran jäne Qazaqstan bylǧary qolǧap şeberlerı öner körsetedı. Olardyŋ arasynda Olimpiada oiyndary, älem chempionattary men qūrlyq bırınşılıkterınıŋ jeŋımpazdary men jüldegerlerı de az emes.
Jekpe-jekter 10 erler salmaǧy jäne 3 äielder salmaǧy boiynşa ötedı.
– Qazaqstan Prezidentınıŋ kubogy üşın ötetın halyqaralyq turnir AİBA aiasyndaǧy dästürlı jarystardyŋ bırınen sanalady. Osy turnir arqyly Olimpiada oiyndaryna lisenziialar ülestırılgen bolatyn. Sonymen qatar, būl jarysty Qazaqstan boksşylary üşın ūlttyq qūramaǧa esık aşatyn turnir desek te bolady. Mäselen, biylǧy jarysta är salmaqta bırneşe qazaqstandyq boksşy synǧa tüsetın bolady. Olardyŋ arasynda ūlttyq qūramanyŋ müşelerımen qatar, keleşegınen ümıt küttıretın jastar da bar. Iаǧni, bır salmaqta bırneşe deŋgeiles jıgıtter öner körsetedı. Demek, ärkımge özınıŋ myqtylyǧyn däleldeuge mümkındık berılıp otyr. Jalpy, aituly jarysqa elımızden 43 boksşy qatysady. Olardyŋ qatarynda 19 boksşy ūlttyq qūramanyŋ müşelerı bolsa, 8 boksşy oblystardan taŋdaldy. Sonymen qatar, «Astana arlandary» qataryndaǧy 8 boksşy jekpe-jekke tüsetın bolady, – deidı halyqaralyq turnirdıŋ menedjerı, Qazaqstan Respublikasynyŋ bokstan memlekettık jattyqtyruşysy Bolat Abdrahmanov.
Osy jarysqa Resei, Özbekstan, Ukraina, Moŋǧoliia siiaqty boksy jaqsy damyǧan elderdıŋ şeberlerı de qatysatynyn eskersek, qazaqstandyq boksşylar üşın jüldege qol sozu oŋaiǧa tüspesı anyq. Degenmen jerlesterımız jerge qaratpaitynyna senımdımız.
Al, endı, kımge senım artamyz degenge keler bolsaq, Vasilii Levit, Iliias Süleimenov, Azamat İsaqūlov, Azat Mahmetov, Ädılet Qūrmetov, Meiırbolat Toitov, Sūltan Zauyrbek, Sadriddin Ahmedov, Erık Äljanov, Nūrdäulet Jarmanov, Baqdäulet İbragimov, Qamşybek Qoŋqabaev, Oljas Būqaev sekıldı jıgıtterımız ben Nazym Qyzaibai, Jaina Şekerbekova, Rimma Volosenko, Karina İbragimova, Aijan Qojabekova, Dariǧa Şäkımova, Violetta Kniazeva syndy būrymdy arularymyz namysty qoldan bermeidı dep oilaimyz.
Keşe jarystyŋ saltanatty aşylu räsımınen keiın jekpe-jekter bastalyp kettı. 49 kelı salmaqta ötken turnirdıŋ bırınşı aiqasynda astanalyq Ashat Jüsıpov özbek boksşysyn jeŋdı. Sondai-aq, Vasilii Levit te qarsylasynan basym tüstı.
Sonymen, Qazaqstan Prezidentınıŋ kubogy üşın halyqaralyq turnir jalauyn köterdı. Turnirdıŋ ırıkteu jekpe-jekterı seisenbı, särsenbı jäne beisenbı künderı saǧat 13.00-de, al jartylai final 9 mausym, jūma künı saǧat 14.00-de bastalady. Turnir jeŋımpazdary 10 mausym künı saǧat 15.00-de bastalatyn finaldyq jekpe-jekterde anyqtalatyn bolady.
Ǧalym
QOJABEKOV
