BELSENDILERGE HAT TAPSYRDY
Qazaqstan käsıpodaqtary qauymdastyǧynyŋ atynan Prezidenttıkke ümıtker Amangeldı Taspihov senımdı ökılderımen bırge Aqtau qalasyna bardy. Maŋǧystau oblystyq N. Jantörin atyndaǧy qazaq drama teatrynda ötken kezdesuge 200-den asa adam jinaldy. Būl şarany aimaqtyq qoǧamdyq ştabtyŋ jetekşısı, käsıpodaqtar ortalyǧynyŋ töraǧasy K.Jaulin jürgızdı.
Kezdesude Amangeldı Taspihov halyqqa özınıŋ sailaualdy baǧdarlamasynyŋ negızgı baǧyttary turaly äŋgımelep berdı. Sondai-aq elımızdegı eŋ ırı qoǧamdyq bırlestıkterdıŋ bırınıŋ alǧa qoiǧan maqsat-mındetterı jaiynda da söz qozǧady. Basqosuda özektı mäseleler boiynşa pıkırtalas örbıdı. Soŋynan ügıt-nasihat jūmystaryn belsendı jürgızıp jürgen azamattarǧa alǧys hattar tabys etıldı.
ZİIаLY QAUYM ÖKILDERIMEN JÜZDESTI
Qazaqstan Prezidenttıgıne ümıtker Qasym-Jomart Toqaevtyŋ respublikalyq qoǧamdyq ştaby öz jūmysyn ekınşı künı Almatyda jalǧastyrdy. Almaty – qazaq mädenietı men ruhaniiatynyŋ ordasy. Elımızdıŋ ǧylym, bılım, ädebiet salasynyŋ betkeūstar tūlǧalary osynda şoǧyrlanǧan. Osyǧan orai, ştab müşelerı ǧylym ordasyna baryp, ziialy qauym ökılderımen jüzdestı.
Kezdesude Q.Toqaevtyŋ sailaualdy baǧdarlamasynda ǧylym salasyna erekşe basymdyq berılgen. Atap aitqanda, jas ǧalymdardyŋ zertteulerın yntalandyru maqsatynda jyl saiyn qosymşa
3 mlrd. teŋge bölu közdelıp otyr. Sondai-aq ştab müşelerı S.Asfendiiarov atyndaǧy Qazaq ūlttyq medisinalyq universitetınıŋ oqytuşylary jäne studentterımen kezdestı.
OQYTU SEMİNARYN ÖTKIZDI
Qazaqstan Prezidenttıgıne «Ūlt taǧdyry» qozǧalysy atynan ümıtker Ämırjan Qosanovtyŋ Qostanai oblystyq sailaualdy ştabynda sailau künı uchaskelerdegı dauys berudı qadaǧalaityn baqylauşylarǧa arnalǧan seminar öttı.
Seminardyŋ moderatory jäne bapkerı qyzmetın atqarǧan Dos Köşım baqylauşylarǧa öz qūqyqtaryn, sailau künı ärtürlı jaǧdailar tuyndaǧan kezdegı ıs-qimyldaryn tüsındırdı. Tanymal saiasattanuşy elımızdıŋ barlyq öŋırlerınde osyndai seminarlardy ötkızudı jalǧastyruda. Atalǧan şaraǧa qatysuşylar aluan türlı taqyryptardy qozǧap, özderın tolǧandyrǧan saualdarǧa jauap aldy.
ALMATYDA VELOJARYS ÖTTI
Almaty qalasynda «Aq jol» partiiasynyŋ atynan Prezidenttık ümıtker Däniia Espaevany qoldauǧa arnalǧan velojarys öttı. Būl şara Jastar jylynda salauatty ömır saltyn nasihattauǧa, turizm men būqaralyq sportty damytuǧa ündedı.
Jarysqa qatysuşylardyŋ aldynda söz söilegen «Aq jol» QDP-nyŋ Almaty filialynyŋ jetekşısı Nūrlan Jazylbekov sailauda jastardy D.Espaevaǧa dauys beruge şaqyrdy. Odan keiın jarys bastaldy. Velojüirıkter äl-Farabi daŋǧylyndaǧy Tūŋǧyş Prezident saiabaǧynan Toraiǧyrov-Kablukov-Timiriazev-Baitūrsynūly-Şevchenko-Qonaev-Gogol köşelerımen jürıp ötıp, mädeni saiabaqta märege jettı.
ÄR TUǦAN SÄBİGE – 1 MİLLİON TEŊGEDEN!
«Ūly dala qyrandary» qozǧalysynyŋ atynan Prezidenttık ümıtker Sädıbek Tügel är bırınşı tuǧan balaǧa 1 mln teŋgeden beruge, analarǧa tölenetın järdemaqyny üş esege deiın ūlǧaituǧa uäde ettı. Ümıtkerdıŋ paiymdauynşa, osyndai qadamdar jasaǧanda ǧana elımızdegı demografiialyq körsetkışterdı jaqsartuǧa bolady.
S.Tügel qaraǧandylyq säbilerge aq batasyn berdı. Demografiialyq saiasat – ümıtkerdıŋ sailaualdy baǧdarlamasynyŋ basymdyqtarynyŋ bırı. «Är jaŋa tuǧan säbige 1 mln teŋge bereiık. Otbasynda ekınşı bala tusa – 2 mln teŋge. Osylaişa, 10 bala tuǧanda 10 mln teŋgege deiın tölenıp otyruy qajet. Sonda ǧana sanymyz köbeiedı» deidı ümıtker.
JASTAR AUYLDY QOLDAIDY!
Däl osyndai ataumen «Auyl» partiiasynyŋ atynan Prezidentıkke ümıtker Töleutai Raqymbekovtıŋ öŋırlık ştaby arnaiy forum ūiymdastyrdy. Oral qalasynda ötken jiynda qazırgı jastar mäselesı, onyŋ ışınde jūmyssyzdyqpen küres, baspanamen qamtu jäne ūlttyq qūndylyqtardy saqtau töŋıregınde söz boldy.
Auyl bolaşaǧy – eldıŋ bolaşaǧy. Al ony jastarsyz elestetu mümkın emes. Töleutai Raqymbekov ünemı auyl jastaryna jaǧdai jasau kerektıgı jaiynda aitady. Äitpese, qazırgıdei jappai urbandaludyŋ saldary şaǧyn eldı mekenderdıŋ joiylyp ketuıne äkeluı mümkın.
BALALAR – BIZDIŊ BOLAŞAǦYMYZ
Qazaqstan Kommunistık halyq partiiasynyŋ atynan Prezidenttıkke ümıtker Jambyl Ahmetbekov ärıptesı Magerram Magerramovpen bırge Taldyqorǧan qalasyndaǧy balalardy qorǧau künıne orai şar ūşyru aksiiasyna qatysty.
J. Ahmetbekov balalardy merekesımen qūttyqtady.
Ol öz sözınde sanaly, bılımdı ūrpaqty tärbieleu bızdıŋ qoǧamnyŋ basty maqsaty ekendıgın atap öttı. «Adam üşın ömırde baladan asqan bailyq joq. Bız sondyqtan jyl saiyn 1 mausymda – Halyqaralyq balalardy qorǧau künın toilaudy ızgı dästürge ainaldyrdyq. Jas ūrpaqtyŋ tolyqqandy damuy – bärımız üşın asa maŋyzdy mındet. Balalar kün saiyn baqytty ömır sürıp, bızdı jarqyn bolaşaqqa jetelesın» dedı ol.
