Qazaqstan Prezidentı – Qaruly Küşterdıŋ Bas qolbasşysy Qasym-Jomart Toqaev armiianyŋ äskeri jäne şūǧyl äreketterge daiyndyǧy, azamattardy äskerge şaqyrudyŋ küzgı nauqanynyŋ barysy, sondai-aq Almaty oblysynda ötıp jatqan bıtımgerşılık oqu-jattyǧu jiyny jönınde Qorǧanys ministrınıŋ esebın tyŋdady.
Memleket basşysy Qorǧanys ministrlıgınıŋ aldyna bırqatar mındet qoidy. Sonyŋ ışınde Qaruly Küşterdı qalyptastyru tūjyrymdamasyn äzırleu kezınde Qazaqstan armiiasynyŋ radiasiialyq jäne himiialyq qorǧanysyna qajettı qūral-jabdyqtardyŋ zamanaui türlerımen jabdyqtaluyna, äskeri-tehnikalyq aviasiia men injenerlık äskerdı küşeituge, infraqūrylymdy damytuǧa erekşe nazar audarudy tapsyrdy. Qasym-Jomart Toqaev halyqaralyq äskeri yntymaqtastyqty damytuǧa, kadrlyq saiasat pen äskerımızdıŋ qysqy mausymǧa daiyndyǧyna qatysty bırqatar tapsyrma berdı.
Sonymen qatar Prezident Ūlttyq bank töraǧasy Erbolat Dosaevty qabyldady. Memleket basşysyna biylǧy 9 ai ışındegı aqşa-nesie saiasatyn ıske asyrudyŋ aldyn ala qorytyndylary, Ūlttyq banktegı altyn-valiuta rezervterınıŋ jai-küiı jäne Ūlttyq qordyŋ aktivterı turaly baiandaldy. Sondai-aq Ūlttyq Banktıŋ qarajaty esebınen qarjylandyrylatyn daǧdarysqa qarsy bastamalardyŋ oryndalu barysy jönınde mälımet berıldı. 2020 jyldyŋ soŋyna deiıngı jäne 2021 jylǧa arnalǧan Qazaqstannyŋ ekonomikalyq damuyna qatysty boljamy ūsynyldy. Kezdesu qorytyndysy boiynşa Prezident eldıŋ qarjy tūraqtylyǧyn qamtamasyz etu jönınde bırqatar naqty tapsyrma berdı.
Sondai-aq Memleket basşysy Ūlttyq ekonomika ministrı Ruslan Dälenovtı qabyldady. Prezidentke ekonomikalyq ösımdı qalpyna keltıruge jäne azamattardyŋ äl-auqatyn arttyruǧa baǧyttalǧan. Qazaqstannyŋ jaŋa ekonomikalyq baǧdarynyŋ negızgı qaǧidalaryn jüzege asyru jaiynda baiandaldy.
