Prezident Jarlyǧymen QR Jer kodeksıne özgertulerge 5 jyl moratorii bekıtıldı

Memleket basşysy Nūrsūltan Nazarbaev «Jer zaŋnamasynyŋ keibır normalaryn qoldanuǧa moratorii engızu turaly» Qazaqstan Respublikasy Prezidentınıŋ 2016 jylǧy 6 mamyrdaǧy № 248 Jarlyǧyna özgerıs engızu turaly Jarlyqqa qol qoidy, dep habarlaidy Aqordanyŋ baspasöz qyzmetı.

Qazaqstan Respublikasynyŋ Prezidentı qol qoiǧan Jarlyq QR Jer kodeksınıŋ özgerısterıne moratoriidı bes jylǧa ūzartty.

Tolyq mätın:

«Jer zaŋnamasynyŋ keibır normalaryn qoldanuǧa moratorii engızu turaly»  Qazaqstan Respublikasy Prezidentınıŋ

2016 jylǧy 6 mamyrdaǧy № 248 Jarlyǧyna özgerıs engızu turaly qauly etemın:

1. «Jer zaŋnamasynyŋ keibır normalaryn qoldanuǧa moratorii engızu turaly» Qazaqstan Respublikasy Prezidentınıŋ 2016 jylǧy 6 mamyrdaǧy № 248 Jarlyǧyna (Qazaqstan Respublikasynyŋ PÜAJ-y, 2016 j., № 27, 150-qūjat) mynadai özgerıs engızılsın:

1-tarmaqtaǧy «2016» degen sifrlar «2021» degen sifrlarǧa auystyrylsyn.

5. Osy Jarlyq qol qoiylǧan künınen bastap qoldanysqa engızıledı.

Qazaqstan Respublikasynyŋ  Prezidentı                      N. Nazarbaev