Prezidenttıŋ jūmys jaiyn jariialady
QR Prezidentınıŋ baspasöz hatşysy Berık Uäli Memleket basşysy Qasym-Jomart Toqaevtyŋ toǧyz aidan bergı jūmysy jaiynda brifing ötkızdı.Memleket basşysy jyl basynan berı halyqaralyq ıs-şaralar boiynşa 12 elge saparmen bardy. Onyŋ ışınde Özbekstan, Qytai, Qyrǧyzstanǧa memlekettık saparmen, Resei men Germaniiaǧa resmi saparmen, al jūmys saparymen Reseige ekı ret jäne AQŞ, Qyrǧyzstan, Täjıkstan, Türıkmenstan, Armeniiaǧa barǧan.
Qazaqstan Prezidentı 9 halyqaralyq jiynǧa qatysty.
Jalpy Qasym-Jomart Toqaevtyŋ qatysuymen 463 şara öttı.
Sonymen qatar baspasöz hatşysy QR Prezidentınıŋ el ışınde atqarǧan jūmysyna toqtaldy.
«El ışındegı atqarǧan şarualaryna toqtalar bolsaq, Memleket basşysynyŋ qatysuymen 463 şara öttı. Qasym-Jomart Kemelūly elımızdıŋ aimaqtaryna 25 ret jūmys saparymen bardy. Keibır oblystarǧa tıptı ekı ret barǧanyn bılesızder. Qasym-Jomart Kemelūly QR Prezidentı qyzmetıne kırısken sätten berı 239 memlekettık organnyŋ basşylaryn, Parlament deputattaryn, saiasi partiialar men qauymdastyq ökılderın jäne jeke tūlǧalardy qabyldady. Sonymen qatar Memleket basşysy 31 eldıŋ basşysymen telefon arqyly söilestı» dedı Berık Uäli.