Būrynǧy Aqmola, qazırgı Nūr-Sūltan qalasynyŋ qadırlı azamaty Satybai Qajymūratūly Äbdırahmanov bükıl sanaly ǧūmyryn ūrpaq tärbiesıne, ūstazdyqqa arnaǧan edı. Ūzaq jyldar Selinograd memlekettık pedagogika institutynda oqytuşy qyzmette boldy.
Aqmola oblysynyŋ Aqköl audanyna qarasty Mereke auylynda tuyp, er jetken soŋ joǧary bılım alyp, oblys ortalyǧyna qonystanady. Oqytuşylyq pen ǧylymdy qatar igerıp, barlyq sanaly ǧūmyryn studentterge bılım beruge arnady. Satybai Qajymūratūly turaly 75 jyldyǧyna arnap «Önegelı ömır joly» atty maqalamdy «Arqa ajary» gazetıne jariialaǧan edım. Mıne, sol abyroily azamat osydan bır ai būryn dünieden ozyp kettı. Men būl maqalamda Satybai Qajymūratūlynyŋ azamattyǧyna, kısılıgıne köŋıl audarǧym kelıp otyr. Būl kısı ülkenge qūrmet, kışıge ızet bıldırgısı kelıp tūratyn. Şamasy būdan otyz jyldai būryn qūda bolyp tanystyq. Bırte-bırte bır-bırımızge degen syilastyq küşeie tüstı. Sodan bıreuımız aǧa, bıreuımız ını boldyq. Özı aitatyn: «menıŋ üş aǧam bar, sonyŋ bıreuı – sız» dep. Jeŋgelerıne de ädemı at qoiyp aldy. Menıŋ zaiybym Hamila Qūlbekqyzyn «maŋǧaz jeŋgem» deitın.
Būl ınımızdıŋ kiım kiiuı de erekşe bolatyn. Boiy ūzyn, kölemı ülken ärtürlı tüstegı qalpaqtary bolatyn. Kiım kiısın, şoqşa saqalyn, ädemı taiaǧymen jürgendegısın jazuşy-etnograf Aqseleu Seidımbek marqūmǧa ūqsatatynmyn. Boiyna oiy sai edı. Köpşılık jinalǧan jerde tärbielı, mänı joǧary, şeşendıgı basym ädemı sözderımen otyrǧandardy özıne qaratyp alatyn. Bata bergende de jattandylaryn aitpai, sol jiynǧa sai keletın sözderdı qūrastyryp, mazmūndy, önegelı oiyn jetkızetın. Qūran oqyǧanda da qiraǧaty jaqsy, ünı özıne tartyp tūratyn jaǧdaida bolatyn.
Menıŋ bıraz uaqyttan berı baiqap jürgenım balalary jaqsy qamqorşy bolsa da, aqsaqaldar bäibışesı ömırden ötkennen keiın jalǧyzsyrap, jüdei bastaidy. Osy jaǧdaidy Satybai ınımız basynan keştı. Özınıŋ dünieden öterınen bır jarym jyldai būryn jarty ǧasyrdan artyq bırge ǧūmyr keşken jary Manat Jünısqyzy baqilyqqa jol tartqan edı (surette Satybai men Manat nemerelerımen).
Soŋǧy ailarynda quanyp jüretın. «Balam menıŋ qamymdy oilap ülken päter satyp aldy. Endı menıŋ jeke bölmem, maǧan qajet jaǧdaidyŋ bärı janymda bolady» deitın. Bıraq ol armanyna jete almady. Ol üige qonystanu Säkeŋe būiyrmady. Özı mäŋgılık ornyna qonystanyp, aiauly bäibışesınıŋ janyna bardy. Endı sol üi balalary men nemelerıne qūtty qonys bolyp, ata-anasyna, nemerelerınıŋ ata-äjesıne kır keltırmei, Satybai men Manattyŋ ūrpaqtary degen atqa sai ǧūmyr keşuıne tılektespız. Özderınıŋ jatqan jerlerı jaily bolsyn demekpın.
Erkın DÄUEŞŪLY, Zeinetker
