«Qaiyrymdylyq keruenı» jol tartty

«Qaiyrymdylyq keruenı» IV respublikalyq baiqauyna ötınımder qabyldau bastaldy. 4 jyl būryn Qazaqstannyŋ ısker äiel­der qauymdastyǧynyŋ bastamasymen qolǧa alynǧan joba bügınde qazaq elıne keŋ tanylyp, 1000-nan astam volonterdı qamtyǧan. Biylǧy baiqau el Täuelsızdıgınıŋ 30 jyldyǧyna orailastyryldy.
Byltyrǧy «Qaiyrymdylyq ke­ruenı» baiqauynda 670 qatysuşy baq synap, qoǧamdy ızgılendıruge üles qosqan üzdıkter marapattaldy. «Biyl baiqauǧa qatysuşylar sany būdan ekı-üş ese artyq bolady degen senımdemız. Baiqaudyŋ maqsaty – otandastarymyzdyŋ ızgı bastamalaryn köpşılıkke keŋ nasihattap, qoǧamdy qaiyrymdy ıs atqaruǧa ündeu» deidı Nūr-Sūltan qalasy boiynşa ısker äielder qauymdastyǧynyŋ jetekşısı Säniia İrsalieva. Baiqau jeŋımpazdary 7 nominasiia boiynşa anyqtalady. Qazaq halqynyŋ salt-dästürlerıne negızdelgen qaiyrymdylyq boiynşa «Asar», tuǧan ölkege kömek körsetu maqsatynda igı ıs atqarǧan azamattar arasynda «Tuǧan jer» nominasiiasy taǧaiyndaldy. Özgenı qūtqaryp, öz basyn qaterge tıkken mamandar men qarapaiym tūrǧyndar arasynda «Batyl jürek», tūraqty aqysyz kömek körsetken volonterler arasynda «Meiırım jolynda» nominasiialary boiynşa üzdıkter anyqtalady. BAQ-ta qaiyrymdylyq taqyrybyn nasihattaǧan jurnalister «Qaiyrymdylyq tarihy» atalymy boiynşa baq synaidy. Batyldyǧymen, meiırban bastamaşyldyǧymen tanylǧan altydan on segız jasqa deiıngı jetkınşekter arasynda «Bala jüregı», jan-januarlarǧa qamqorlyq tanytqan volonterler arasynda «Januarǧa meiırım» nominasiiasy jariialandy.
Baiqauǧa ötınım qabyldau 30 qaraşaǧa deiın jalǧasady. Jeŋımpazdar keler jyldyŋ aqpanynda Türkıstan qalasynda marapattalady dep josparlanǧan. Jobaǧa Nūrsūltan Nazarbaev qory qoldau körsetıp otyr.