Mümkındıgı şekteulı jandar qoǧam nazarynan şet qalmaidy. Sonyŋ bır körınısındei, jaqynda Astanadaǧy «Medhauz Kazahstan» jauapkerşılıgı şekteulı serıktestıgı elordanyŋ Almaty audanynda tūratyn bır top mügedektı Oraza ait merekesımen qūttyqtap, syilyqtar tartu ettı.
«Qaiyrymdylyq jasasaŋ, qaiyryn özıŋ köresıŋ» degen sözdı basşylyqqa ala otyryp, «Medhauz Kazahstan» JŞS direktory Samat İsabaev atalmyş audan aumaǧyndaǧy 50 mügedekke baldaq, taiaq jäne taǧy basqa qajettı zattar syilady.
Özderıne asa qajettı zattarǧa qol jetkızıp, mereke qarsaŋynda quanyşqa bölengen mümkındıgı şekteulı jandar demeuşıge şyn yqylas bıldırıp, alǧystaryn jaudyrdy.
– Densaulyǧyma bailanysty taiaqtyŋ kömegınsız jüre almaimyn. Būrynǧy taiaǧym eskırıp, jaŋasyn satyp aluǧa zeinetaqymnan aqşa artylmai jür edı. Oraza ait qarsaŋynda köpten bergı oiym oryndalyp, qatty quanyp qaldym. Bärımızge osyndai şattyq syilaǧan demeuşı azamattarǧa, sonymen bırge Almaty audanynyŋ jalǧyzılıktı zeinetkerler men mügedekterge üide äleumettık qyzmet körsetetın №2 bölımşesınıŋ ūjymyna myŋ alǧys, – dedı Qärtai aǧa Sätımbekov.
Qamşynyŋ sabyndai qysqa ǧūmyrda aialy alaqan men jan jyluyn aŋsaǧan jandarǧa qol ūşyn bergenge ne jetsın, şırkın! Endeşe, ailardyŋ sūltany qasiettı Ramazanda ǧana emes, kündelıktı tırlıkte qaiyrymdy ıs jasap, özgelerge merekelık köŋıl-küi syilaudy esten şyǧarmaiyq, aǧaiyn!
Gülbarşyn
MAMYRAIYMOVA
