QALA KÖRKEIE TÜSEDI
Qalalyq mäslihattyŋ tūraqty komissiiasynda Astana qalasy Säulet jäne qala qūrylysy basqarmasy basşysynyŋ mındetın atqaruşy Qairat Qojamjarov qalada boi köteretın jaŋa ǧimarattar turaly aityp berdı.
Astana qalasynyŋ bas josparyna säikes qala kelbetı jyldan-jylǧa körkeiıp keledı. Elordada qazaq jäne orys drama teatrlary, «Jastar» teatrynyŋ jaŋa ǧimarattary salynyp, «Jekpe-jek» saraiyn tūrǧyzyp, botanikalyq baqty aşyp, jeŋılatletika manejı siiaqty auqymdy jobalardy ıske asyru josparlandy.
Qala ışındegı qauıpsızdık pen jailylyq üşın köşelerdı jaryqtandyru asa maŋyzdy. Būl turaly qala äkımı naqty tapsyrma berıp otyr, basqarma aldynda qalany jaryqtandyru auqymyn arttyru mındetı qoiyldy.
Äkımdık joldaǧy jeke kölıkten görı, qoǧamdyq kölıkke basymdyq berıp otyrǧany jasyryn emes. Sol sebeptı qala ışınde sport alaŋdaryn köbeitıp, mädeni-sauyq mekemelerın, meiramhanalar salu, tūraq mäselesın şeşu, balalarǧa arnalǧan oiyn alaŋdaryn keŋeitu közdelıp otyr. Al joldaǧy kölık qozǧalysyn jeŋıldetu üşın avtobustar men velosipedterge arnalǧan jolaqtar salynyp keledı. Atap aitsaq, osy jylǧa Saryarqa, Bögenbai batyr, Respublika daŋǧyldary men Esıl özenınıŋ jaǧalauynda 251 gektar aumaqty alyp jatqan jerdı igeru jūmystary qyzu jürıp jatyr. Sondai-aq, mamandar mümkındıgı şekteulı jandarǧa yŋǧaily pandus ornatudy är mekemege mındettemekşı.
Jiyn barysynda deputattar şet aimaq tūrǧyndarynyŋ ökpe-nazyn jetkızdı. Öndırıs, Promyşlennyi, Kirpichnyi tūrǧyn üi alaptarynda tūratyndar kanalizasiiaǧa zäru bolyp şyqty. Basqarma basşysynyŋ mındetın atqaruşy Qairat Qojamjarov jauapty mamandarmen bırlesıp, qanşa jyldan berı şeşımın tappai kele jatqan ıstı aiaǧyna deiın jetkızuge uäde berdı.
Güldana TALǦATQYZY