Qalalyq mäslihattyŋ mäjılıs zalynda Astana qalasy Qoǧamdyq keŋesınıŋ otyrysy öttı. Jiynda bırqatar normativtık qūqyqtyq aktılerdıŋ jobasy qaraldy.
Aldymen Ekonomika jäne biudjettı josparlau basqarmasynyŋ basşysy Älıbi Jūmaev «Astana qalasynyŋ 2016-2018 jyldarǧa arnalǧan biudjetı turaly» Astana qalasy mäslihatynyŋ 2015 jylǧy 11 jeltoqsandaǧy №428/61-V şeşımıne özgerıster engızu turaly baiandady. «Astana qalasynyŋ biudjetı Biudjet kodeksınıŋ 106-babyna säikes jergılıktı atqaruşy organnyŋ bastamasy boiynşa naqtylandy. Qalanyŋ negızgı äleumettık-ekonomikalyq körsetkışterınıŋ ösuıne säikes naqtylau kezınde biudjettıŋ kırıs bölıgın ūlǧaitu ūsynyldy. Biudjet qarajatyn igeru monitoringısınıŋ qorytyndylary negızınde ışkı qaita bölu jolymen jekelegen biudjettık baǧdarlamalar boiynşa jyldyq josparly taǧaiyndaular qaita qaraldy» dedı basqarma basşysy Ä.Jūmaev. Onyŋ aituynşa, elordany damytu, bılım beru, densaulyq saqtau jäne äleumettık qorǧau salalarynyŋ kezek küttırmeitın bırqatar mındetterın şeşuge qosymşa qarjy bölınedı. Sonymen qatar, densaulyq saqtau obektılerın materialdyq-tehnikalyq jaraqtandyruǧa, bılım beru mekemelerınde memlekettık tapsyrysty jüzege asyru, mügedekter üşın äleumettık qyzmet körsetulerge, avtomobil joldarynyŋ aǧymdyq orta jöndeuıne qarajat qarastyrylǧan.
Odan keiın Auylşaruaşylyǧy basqarmasynyŋ basşysy mındetın atqaruşy Gülmira Ermoldina veterinariia salasyndaǧy memlekettık körsetıletın qyzmetter turaly mälımdedı.
– 2016 jyly januarlarǧa ekpe jūmystaryn jürgızuge jäne saraptamalyq zertteu jūmystaryna, sonymen qatar, qaŋǧybas itter men mysyqtardy qaladan tazartuǧa jergılıktı biudjetten 37 mln astam qarjy bölındı. Bügınde atalmyş qarjy öz maqsatyna jūmsaldy, – dei kele, basqarma basşysy qosymşa qarajat böludı sūrady. Onyŋ sebebı joq emes. Bırınşıden, mausym-tamyz aiynda elımızde tüineme auruynyŋ oşaǧy tırkelgen bolatyn. Qaraǧandy oblysy Aqtoǧai audanyndaǧy jaǧdai älı künge deiın nazarda. Osyǧan bailanysty jaǧdaidy tūraqtandyru üşın Astana qalasyna tüinemege qarsy qosymşa 1182 ekpe mölşerı bölıngen. Sondai-aq, kün saiyn «051» nömırıne qaŋǧybas januarlardy ūstauǧa ötınış kelıp tüsedı. Mäselen, tek bes künnıŋ ışınde 126 qaŋǧybas it pen mysyqty ūstauǧa 33 ötınış tırkelgen. Atalmyş jūmystardy oryndau qosymşa qarjyny qajet etetını sözsız. Būl mäsele deputattardy beijai qaldyrmady.
Kün tärtıbınde qarastyrylǧan kelesı mäsele – bılım salasyndaǧy memlekettık kommunaldyq qazynalyq käsıporyndar öndıretın jäne ötkızetın tauarlardyŋ baǧalaryn bekıtu. Bılım basqarmasynyŋ basşysy Qasymhan Senǧazyev aqyly üiırmelerdıŋ baǧasymen tanystyrdy. Osy rette, deputattar balalarǧa qatysty dünielerdıŋ qoljetımdı boluyn qamtamasyz etu üşın belgılengen baǧalardy qaita qaraudy sūrady. Tıptı, qala ışındegı muzeiler men basqa da mädeni nysandardy tamaşalau mektep oquşylary üşın tegın qylu mäselesın köterdı.
Jiyn soŋynda Tūrǧyn üi basqarmasynyŋ basşysy Ruslan Ahmetov Memlekettık tūrǧyn üi qorynan berıletın tūrǧyn üige nemese jeke tūrǧyn üi qorynan jergılıktı atqaruşy organ jaldaǧan tūrǧyn üige mūqtaj azamattardy esepke alu jäne kezekke qoiu, sondai-aq, jergılıktı atqaruşy organdardyŋ tūrǧyn üi beru tärtıbı turaly baiandady.
Gülmira ŞARHANQYZY
