Elordada azamattyq qorǧau qyzmetterınıŋ qysqy mausymǧa daiyndyǧy körsetıldı. №7 mamandandyrylǧan ört söndıru bölımınıŋ aumaǧynda qala äkımınıŋ orynbasary Ermek Qizatov elordalyq azamattyq qorǧau qyzmetı bölımşelerınıŋ qysqy kezeŋge jäne aldaǧy «Qys-2021» oqu-jattyǧularyna daiyndyǧymen tanysty.
«Bızdıŋ azamattyq qorǧau qyzmetterımız – Tötenşe jaǧdailar departamentı Ūlttyq ūlanmen jäne polisiia departamentımen bırlesıp, tehnikalardy, aua raiynyŋ kürt özgeruı kezınde qyzmet etetın bölımşelerdıŋ daiyndyǧyn körsettı. Tehnika joǧary deŋgeide daiyndalǧan. Tötenşe jaǧdailar kezınde jūmyldyru, barlyq qyzmetterdı üilestıru qamtamasyz etıldı. Jyl saiyn osyndai jūmystar jürgızemız. Kürdelı klimattyq kezeŋder boldy, äsırese 2019 jäne 2020 jyldary, sondai-aq su tasqyny kezeŋınde. Barlyq qyzmettıŋ jūmysyn üilestıru josparlanǧan. Bügınge deiın jıberılgen qatelıktermen jūmys jürgızıldı. Biylǧy qysta da qyzmetterımız naqty jūmys ısteitın bolady dep oilaimyn» dedı Ermek Qizatov.
TJ joiu basqarmasynyŋ bastyǧy Eldor Raiymbekovtıŋ aituynşa, 28 bırlık tehnika men 266 adam 100 km radiustaǧy baǧyttar boiynşa jürgızıletın ızdestıru-qūtqaru jäne avariialyq-qūtqaru jūmystaryna qatysady.
«Sondai-aq bızde Apattar medisinasy ortalyǧy bar, ol jol-kölık oqiǧalary kezınde qarly uchaskelerde qalǧan eldı mekenderge medisinalyq kömek körsetedı. JKO kezınde qūtqaru qūraldary bar avariialyq-qūtqaru tehnikasy jūmyldyrylady. Jyl saiyn daiyndyq jürgızıledı. 2019-2020 jyldary qar basqan uchaskeler köp boldy. Bız qar qūrsauynan 2 myŋǧa juyq adamdy evakuasiialadyq. Sondai-aq medisinalyq kömekke mūqtaj 6 jüktı äiel eldı mekenderden qalaǧa jetkızıldı» dedı Eldor Raiymbekov.
TJD tūrǧyndarǧa 90% jäne odan da köp yqtimaldyǧy bar dauyldy eskertuler kezınde şyqpau kerektıgın airyqşa atap öttı.
«Tūrǧyndar men jürgızuşılerdıŋ nazaryn mynaǧan audarǧym keledı, 90% yqtimaldyǧy bar dauyldy eskertu turaly SMS-habarlamalar kelıp tüsken kezde qaladan tys jerlerge şyqpau kerek. Tötenşe jaǧdailarda özıŋızdıŋ tuystaryŋyzdy habardar etıp, qosymşa 112 nömırıne qoŋyrau şalyp, joldaǧy jaǧdai turaly bıluıŋız kerek. Sonyŋ ışınde «Qazavtojol» saitynda jabyq trassalar turaly aqparat bolady» dep tüiındedı basqarma basşysy.
