Bügın elordada Qazaqstan halqy assambleiasy Astana qalalyq filialynyŋ XVII sessiiasy ötedı. Biylǧy jiyn Elbasynyŋ «Qazaqstandyqtardyŋ äl-auqatynyŋ ösuı: tabys pen tūrmys sapasyn arttyru» atty halqymyzǧa arnaǧan Joldauyn talqylauǧa arnalǧan. Atalmyş şaraǧa qala basşysy Baqyt Sūltanov jäne mäslihat deputattary, basqarma basşylary, ükımettık emes ūiymdar men etnomädeni bırlestıkter ökılderı qatysady dep kütılude.
Qazaqstan halqy Assambleiasy alǧaşqy qūrylǧan künnen bastap, barlyq etnos ökılderın ortaq maqsatqa ūiystyryp, el damuyna aitarlyqtai üles qosyp keledı. Bügınde bas şaharda 22 etnomädeni bırlestık tırkelgen. Keibır bırlestıkterde jastar qanaty jūmys ısteidı. Assambleianyŋ qalalyq filialy olarmen tyǧyz bailanys jasap, türlı mädeni şaralardy bırlesıp ötkızıp jür. Äsırese, elordanyŋ 20 jyldyq mereitoiyna orai köptegen şaralarūiymdastyryldy.
«Memleket basşysynyŋ üstımızdegı jyldyŋ 5-şı qazan künı jariialanǧan Qazaqstan halqyna arnaǧan Joldauynda elımızdıŋ ornyqty odan ärı damuyna bailanysty parasatty oilar aitylǧan. Adamdardyŋ tabysy men tūrmys sapasyn arttyruǧa qatysty naqty mındetter qoiyldy. Äsırese, bılım jäne densaulyq salasyn jaqsartuǧa basymdyq berıldı. Sapaly ärı qoljetımdı tūrǧyn üi mäselesı de köterıldı. Osy kelelı mäselelerdıŋ bärı – bügın ötetın sessiiada keŋırek qozǧalady» dedı Astana qalalyq Qazaqstan halqy Assambleiasy hatşylyǧynyŋ meŋgeruşısı Läzzat Qūsaiynova.
