Qazaq ūlttyq öner universitetınıŋ «Şabyt» ǧimaratynda «Ruhani jaŋǧyru» baǧdarlamasy aiasynda Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ «Özgerısterdı özıŋnen basta» ışkı baǧdarlamasy şeŋberınde aqyndar Oŋaigül Tūrjan, Jadyra Baibūlanova jäne jazuşy-dramaturg Roza Mūqanovamen şyǧarmaşylyq kezdesu öttı. Jüzdesudı atalmyş agenttık Jazuşylar odaǧynyŋ Astana qalalyq filialymen bırlesıp ūiymdastyrdy.
«Būryn aqyndarmen, jazuşylarmen, keşegı qazaq ädebietınıŋ klassikterımen el-elde, jer-jerde kezdesuler jiı ūiymdastyrylatyn. Qazır būl dästür kenjelep qaldy. Joiyluǧa da şaq qaldy. Memlekettık qyzmet ısterı jäne sybailas jemqorlyqqa qarsy ıs-qimyl agenttıgı basşymyz Alik Şpekbaevtyŋ bastamasymen būl dästürdı jaŋǧyrtyp otyr. Sebebı qalamgerler eldı bır auyz sözben auzyna qaratyp, tärbie berıp, oqyrmandarǧa jaǧymdy äserler syilaidy» dedı kezdesudıŋ tızgının ūstaǧan agenttıktıŋ jūrtşylyqpen bailanys jönındegı departamentınıŋ direktory Arman Berdalin.
Bügıngı qoǧamda ruhani bailyqtyŋ aldyna materialdyq bailyq şyqty. Memlekettık qyzmetkerlerdıŋ ısı bır basqa, kezınde halyqqa yqpaly küştı bolǧan qalamgerlerdıŋ ısı bır basqa bolyp kettı. Oqyrmandar men aqyn-jazuşylardyŋ arasyndaǧy bailanys naşarlady. Osy turaly äŋgıme örbıtken Oŋaigül Tūrjan «Ruhani jaŋǧyru» baǧdarlamasynyŋ män-maŋyzyna toqtaldy.
Roza Mūqanova studenttık şaǧyndaǧy Qadyr Myrza Älı, Fariza Oŋǧarsynova, Biken Rimova, Hadişa Bökeevamen kezdesulerınen äser alǧanyn jetkızdı. Aldyŋǧy tolqyn aǧa-apalarynyŋ asyl beinelerın eske aldy. 20 jyl memlekettık qyzmet ıstegenın aita kele, būl jūmystyŋ oŋai emestıgın atap öttı.
Jazuşylar odaǧynyŋ Astana qalalyq filialynyŋ jetekşısı Bauyrjan Qaraǧyzūly kezdesuge qatysqan qalamgerlerdıŋ şyǧarmaşylyǧyndaǧy erekşelıkterge toqtaldy. Emen-jarqyn jüzdesuge ainalǧan keşte oqyrmandar sūraq qoiyp, öleŋ oqyldy.
Memlekettık qyzmet ısterı jäne sybailas jemqorlyqqa qarsy ıs-qimyl agenttıgı osyndai kezdesudı aiyna ekı ret beisenbı künı ötkızudı ūiǧardy.
