Juyrda elge tanymal bır qalamgerdıŋ estelıgın oqydym. Sonda äl- Farabi atyndaǧy Qazaq ūlttyq universitetınıŋ jurnalistika fakultetınde sabaq bergen Tauman Amandosov degen tau tūlǧaly aǧamyzdyŋ sözın eske alady. Ol kezde qazırgıdei är aimaqta aşylǧan jurnalistika fakultetı joq. Joǧarydaǧy aitylǧan oqu ordasynda ǧana bar. Oǧan elımızdıŋ är tükpırınen arman jetelep keletın talapkerler de jeterlık. Baǧy janyp, baby kelıskender student atanyp jatady. Bır qyzyǧy, Tauman aǧamyz osy fakultetke joly jıŋışke jandardyŋ köbırek tüskenın onşa qoş körmeidı. «Qaraqtarym, jurnalistika äieldıŋ qoly emes. Er azamattyŋ özı belı qaiysyp köterer, auyr mamandyq. Mümkın, erterek oilanyp, basqa käsıptıŋ tūtqasyn ūstarsyŋdar» deidı eken, qyzdarǧa. Ärine, köptı körgen ūstaz boijetkenderden oqudy qyzǧanyp tūrǧan joq. Tek qoǧamdaǧy myŋ batpan jüktı arqalap jürer mamandyqty otbasynyŋ ūiytqysy, bolaşaq ana bolar arularǧa auyr tierın aitsa kerek.
Odan berı ūrşyqtai döŋgelep uaqyt öttı, zaman talaby özgerdı. Bügıngı taŋda «telearnany basyp qalsaŋyz da», «gazet-jurnaldy paraqtasaŋyz da» jurnalistikadaǧy qyz-kelınşekterdıŋ ülesı basymyraq. Tıptı, qoǧamda olardyŋ dauystary da qattyraq şyǧyp, batyl pıkırler aityp jatady. Er azamattarǧa qaraǧanda pysyqtau, uaqyt tynysyn tap basa bıledı. Oi erkındıgı de küştırek. Mıne, sondai qalamy töselgen, ämbebap ta äbjıl jurnalistıŋ bırı – Qymbat Toqtamūrat. Bır qaraǧanda, onyŋ mınezı tıkteu sekıldı. Syzylyp tūrmaidy. Oiyn ırıkpei aşyq aitady, bükpesız söileidı. Bıraq, adaldyǧy, arlylyǧy, näzıktıgı bolmysynan baiqalady. Jazuy da öz mınezı sekıldı. Naqpa-naq. Däldıktı, jedeldıktı ūnatady. Maqalasynda bır auyz artyq söz kezdespeidı. Kädımgı, känıgı qūrylysşynyŋ kırpıştı äsemdep qalaǧany sekıldı. Bärı öz ornynda tūrady. Jalpy, jurnalistke ekı qasiet kerek. Bırınşı – jedeldık, ekınşısı – jauapkerşılık. Osy ekeuı de boiyna daryǧan. Men ony 2006 jyldan berı bılemın. Ekeumız osy basylymnyŋ mädeniet bölımınde qatar ıstedık. Ol – meŋgeruşı, men tılşı edım. Sol kezde ol mädeniet, ruhaniiat taqyrybyna möldıretıp qanşama oqylymdy dünieler jazdy. Tanymal tūlǧalarmen sūhbat jürgızdı. Men qyzyǧa qarauşy edım. Ärıptes retınde odan üirengenım köp. İä, osy salada talabym oŋǧarylyp, tabandy eŋbek etıp jürgenımnıŋ özı qatarlas ärıptesterımnıŋ yqpaly ekenın jasyrmaimyn. Ol – L.Gumilev atyndaǧy Euraziia ūlttyq universitetınıŋ tülegı. Osy gazette ūzaq jyldan berı qyzmet etıp kele jatqan qarymdy qalamger Talǧat Batyrhan aǧamyz Qymbatty «polk qyzy» dep ataidy. Rasynda, solai. Ol student kezınen osy basylymǧa bauyr basty. Jyl saiyn täjıribeden öttı. Aqyry, oqudy tämamdaǧannan keiın süiıktı redaksiiasyna kelıp, jūmysqa ornalasady.
Mıne, sodan berı doptai domalap on jyldan asa uaqyt öttı. Qymbat – täjıribesı mol, qarymdy qalamgerge ainaldy. Äleumettık salanyŋ bılgır mamany atandy. Halyqaralyq «Şabyt» jastar syilyǧynyŋ jurnalistika salasyndaǧy Gran-pri syilyǧyn jeŋıp aldy. Bügıngı taŋda ol osy gazette jemıstı eŋbek etıp jür. Oǧan eŋ jauapty tapsyrmalar jükteledı. Jauapkerşılıgı de myǧym, qoǧamdyq belsendılıgı de joǧary.
Biyl jiyrma bes jyl tolyp otyrǧan ūjymǧa bır möldır būlaq bolyp qosylǧan Qymbat ta elge qalamy qarymdy jurnalist, talantty tılşı retınde tanylyp ülgerdı. «Bır qolymda – qazanym, bır qolymda – qalamym» degendei ekı balanyŋ anasy atanyp, otbasynyŋ ūiytqysy bolyp otyrǧan ardaqty jan.
Azamat ESENJOL
