Bırneşe äleumettık jäne infraqūrylym nysandaryn aralap körgen qala äkımı naqty tapsyrmalar berdı. Eŋ aldymen şahar basşysy Şalköde, 2/1 köşesındegı «Promyşlennyi» tūrǧyn alabyna at basyn būrdy.
Äset İsekeşev türlı tiıstı basqarmalarǧa jäne de «Astana ÄKK» AQ-na gülzardyŋ ainalmaly alaŋyn keŋeitu qūrylysynyŋ josparyn jasaudy tapsyrdy. Sondai-aq, jyly aialdama, «1000 oryn» baǧdarlamasy boiynşa pavilon, gülzar salu üşın Şalköde köşesınıŋ oŋ jaǧy men Şarbaqty köşesınıŋ qiylysyndaǧy jer uchaskelerın qaitaryp aludy qarastyru kerektıgın aitty.
Audan äkımıne jergılıktı tūrǧyndardan kelıp tüsken ötınışter boiynşa köpfunksionaldy balalar alaŋy tanystyryldy. Äkım osy rette audandaǧy üilerdıŋ aldyn körkeitu kerektıgın de eske sala kettı.
Ärı qarai aralau Qobylandy batyr men Burabai köşesınıŋ qiylysyndaǧy jol salynuy tiıs jerde jalǧasyn tapty. Äkım būl jūmystardy aiaqtaudy jauapty tūlǧalarǧa tabystady. Būdan keiın Küişı Dina men Abylai han köşelerınıŋ qiylysyna kelıp, jol qūrylysyn aiaqtauda barlyq şarany qoldanu qajettıgın pysyqtady. Äkım Puşkin köşesındegı «Sosium» tūrǧyn üi keşenındegı köşenı de jöndeu kerektıgın tapsyrdy. Osy oraida, Almaty audany äkımı qūrylysty jüzege asyru üşın jaqyn arada özınıŋ josparyn ūsynuy tiıs.
Būdan soŋ Alaş tasjolyndaǧy qalalyq bazarlardyŋ jauapty tūlǧalary men basşylaryna sauda oryndaryn tärtıpke, retke keltıruın tapsyrdy ärı ol jerlerge jaiau jürgınşıler üşın jol belgısın ornatyp, avtotūraq saludy tapsyryp, ony qalai oryndalǧany jönınde eseptı kütetının aitty.
Qysqasy, äkım bergen barlyq tapsyrma Astana qalasynyŋ syrtqy kelbetın jaqsartuǧa, elordaǧa kelgen qonaqtar men tūrǧyndarynyŋ qauıpsızdıgı men jailylyǧy üşın jasalynyp jatyr.
«Aqşam-aqparat»
