Nūr-Sūltan qalasynda «Qan tapsyr – ömır syila» atty qaiyrymdylyq şarasy öttı.
Qazaqstan halqy Assambleiasy men Densaulyq saqtau ministrlıgınıŋ Transfuziologiia ǧylymi-öndırıstık ortalyǧy ūiymdastyrǧan şaraǧa aldymen elordalyq etnomädeni ortalyqtardyŋ ökılderı men qala tūrǧyndary keldı. «Dostyq» üiıne jinalǧan qan tapsyruşylar ortalyq daiyndaǧan barlyq talaptardy oryndap, donor boldy.
«Būndai qan tapsyru aksiiasyna jyl saiyn qatysamyn. Jasym 59-da. Jylyna bır märte donor bolamyn. Eŋ alǧaş osydan qyryq jyl būryn tuysqanymyzdyŋ balasy kölık apatyna ūşyraǧanda qan tapsyrdym. Sodan bastap adam ömırın saqtap qalu üşın öz ülesımdı qosyp kelemın. Qan ortalyǧynan qūrylǧan arnaiy top mamandarynyŋ däl jūmysymyzdyŋ aldyna kelıp, qyzmet körsetıp jatqandary bızge öte yŋǧaily boldy. Jūmystan sūranbai-aq qanşama janaşyr jandar qan tapsyryp kelıp jatyr» dedı «Dostyq» üiınıŋ qyzmetkerı Qanatbek Ämırbekov.
Belgılengen uaqytqa deiın şamamen 30 adam donor atanyp, özge jandardyŋ ömırıne ümıt otyn syilauǧa kömektestı.
Köktem QARQYN
