QANAT İSLAM ATAǦYN ASTANADA QORǦAIDY
Astanada 9 qyrküiek künı Qanat İslam men kanadalyq Brendon Kuk kezdesedı. Būl boks keşınıŋ şeŋberınde qolǧap tüiıstıretın qazaqstandyqtardyŋ esımı belgılı boldy.
«EKSPO-2017» halyqaralyq mamandandyrylǧan körmesınıŋ aiasynda ūiymdastyrylyp jatqan jekpe-jek şarşy alaŋda jeŋılıp körmegen myqtylardyŋ arasynda ötpek. Brendon Kuk Qanat İslamnyŋ osy uaqytqa deiıngı eŋ tegeurındı qarsylasy bolmaq. Ol käsıbi boksta 19 kezdesu ötkızıp, barlyǧynda mereiı üstem bolǧan.
Būl boks keşınıŋ körıgı taǧy 8 kezdesumen qyza tüsedı. Naqtyraq aitsaq, Janqoş Tūrarov, Jänıbek Älımhanūly, Meiırım Nūrsūltanov, Ruslan Myrsataev, Ali Ahmedov, Aidos Erbosynūly, Dimaş Niiazov jäne Ruslan Janaibaev özge elderdıŋ betkeūstar boksşylarymen küş synasady.Boks keşı «Saryarqa» velotregınde ötedı.