Qaŋǧybas itter mäselesı qalamyzda ǧana emes, elımız üşın özektı problemaǧa ainalǧaly qaşan. Älemde de januarlar şabuylynan alǧan jaraqattan qūtyrmaǧa tap bolyp, köz jūmǧan jandardyŋ sany jyl saiyn artuda.
Astana boiynşa qaŋǧybas itter men mysyqtardy aulau jūmystary jürgızılude. Äsırese, iesız jürgen itterdıŋ tigızer ziiany köp. Jyl basynan berı it tıstep alu oqiǧalarynyŋ 85 faktısı tırkelgen bolsa,üi-küisız qaŋǧyp jürgen januarlardyŋ sany 5 myŋǧa juyqtaǧan. Būl mäsele bas qaladaǧy qaŋǧybas itter men mysyqtardy aulau taqyrybynda ötkızılgen arnaiy jiynda söz boldy.
Astana qalasynda itter men mysyqtardy ūstau, seruendetu, sondai-aq, itter men mysyqtardy aulap, joiu jaiy osydan ekı jyl būryn, 2015 jylǧy 23 jeltoqsanda bekıtılgen bolatyn. Uaqyt öte kele özgerıster men tolyqtyrulardy talap etıp tūrǧan būl şeşım biyl qaita qarauǧa tüstı. «Astana qalasynyŋ qoǧamdyq ūiymdary men tūrǧyndarynyŋ pıkırlerı eskerılıp, qoldanystaǧy Qaǧidalarǧa özgerıster engızu üşın arnaiy komissiia qūryldy. Astana qalasynda itter men mysyqtardy ūstau jäne seruendetu Qaǧidalarynyŋ 5-tarmaǧyna iesınıŋ erekşe jauapkerşılıgın talap etetın itter tızımı kırıp, 6-tarmaǧyna itterdıŋ ielerı turaly da özgerıster engızıldı» deidı «Astana vetservis» käsıporny direktorynyŋ orynbasary Aidarhan Arystanov.
Endıgı jerde qoldanystaǧy Qaǧidalarǧa säikes itterdıŋ ielerı 18 jasqa tolǧan, al erekşe jauapkerşılıktı talap etetın ittıŋ iesı 21 jasqa tolǧan adam bola alady. Sondai-aq, qoldanystaǧy qaǧidalardan toksoplazmozǧa tekseru qajettıgı turaly tarmaq alynyp tastalypty. Būǧan qosa, Qaǧidalardyŋ jaŋa redaksiiasynda qaŋǧybas januarlar, qarausyz januarlar tüsınıkterıne özgerıster engızıldı. Januarlarǧa arnalǧan memlekettık baspana qaŋǧybas itter men mysyqtardy, qarausyz januarlardy nemese iesı bas tartqan januarlardy ūstauǧa arnalǧan ūiym bolady. Būǧan deiın qolǧa tüsken qaŋǧybas itter men mysyqtar 3 täulık qana arnaiy orynda ūstalsa, būdan bylai olar 60 täulık boiy qamqorlyqta bolady.
«Qala basşylyǧy januarlardy qorǧau jönındegı qoǧamdyq bırlestıktermen bırlese otyryp olardyŋ baqylanbaityn sanyn anyqtap, zalalsyzdandyryp, arnaiy baspana salu boiynşa bırşama şaralarǧa kırısıp kettı» deidı Astana qalasy Auyl şaruaşylyǧy basqarmasynyŋ basşysy Ardaq Dosanov.
Statistikaǧa süiensek, 2017 jyldyŋ 1 qaŋtarynan 9 säuırıne deiın «109» qyzmetıne qala tūrǧyndarynan 337 şaǧym tüsken. Mamandardyŋ aituynşa, azamattardyŋ qaŋǧybas januarlarǧa qatygezdık körsetuıne de qatysty şaǧymdar köbeiıptı. İtterdıŋ qūtyru siiaqty qauıptı aurudy tasymaldauşy ekenın eskersek, būl problema jan-jaqty qadaǧalaudy qajet etedı.
Güljan RAHMAN
